Salmo 72:14 - Marahay na Bareta Biblia

¹⁴ An saindang buhay tinutubos niya sa kaapihan asin sa kadahasan; an saindang dugo mahalaga para saiya.

Salmo 72:14 ပူးပေါင်းရင်းမြစ်များ

Genesis 48:16

Bendisyonan logod an mga aking ini kan anghel na nagligtas sako sa gabos na maraot! Huli sa mga aking ini, mabuhay logod an sakong ngaran asin an ngaran kan sakong mga magurang na si Abraham asin si Isaac! Magkaigwa logod sinda nin dakul na aki, asin dakul na kapagarakian!”

2 Samuel 23:17

Nagsabi si David, “Kagurangnan, dai ko ini pwedeng inomon! Garo ko man sana ininom an dugo kan mga lalaking ini na nagbugtak kan saindang buhay sa pag-alaman!” Kaya dai ininom ni David an tubig. Iyo ini an mga ginibo kan tolong bantog na soldados.

2 Samuel 4:9

Nagsimbag si David sainda, “Isinusumpa ko sa ngaran kan buhay na Kagurangnan, na nagligtas sako sa gabos na pag-alaman,

Salmo 116:15

Makulog para sa Kagurangnan kun nagagadan an saro kan saiyang mga banal!

Salmo 130:8

Tutuboson niya an banwaan nin Israel sa gabos nindang kasalan.

Salmo 25:22

O Dios, an Israel ligtasan sa gabos nindang kasakitan!

Salmo 69:18

Madya sako, tubosa ako, ligtasan ako sa mga kaiwal ko.

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

Kapahayagan 17:6

Nahiling ko na an babae naburat kan dugo kan mga banal asin kan dugo kan mga ginadan huli ta nagdanay sindang maimbod ki Jesus. Kan mahiling ko siya, napangalas ako nin marahay.

Kapahayagan 19:2

Tama asin matanos an saiyang mga paghukom! Pinadusahan niya an pinakamaraot na babae na iyo an nagparaot kan kinaban huli kan saiyang karigsokan. Pinadusahan siya nin Dios dahel ta ginadan niya an mga sorogoon nin Dios.”

1 Samuel 26:21

Nagsimbag si Saul, “Nagkasala ako. Magbalik ka David, aki ko! Dai na ako mag-iisip na gadanon ka, huli ta dai mo ako ginadan ngunyan na banggi. Nagin lolong ako, asin dakula an ginibo kong karatan!”