Salmo 72:12 - Marahay na Bareta Biblia

¹² Huli ta iliniligtas niya an dukha na nag-aagrangay saiya, an nangangaipo asin an mayo nin minatabang.

Salmo 72:12 ပူးပေါင်းရင်းမြစ်များ

2 Samuel 14:16

Huli ta dadangogon niya ako asin ililigtas sa boot gumadan sako asin sa sakong aki tanganing mapara kami sa dagang itinao nin Dios sa saiyang banwaan.’

An Libro ni Job 29:12

Minatabang ako sa mga dukha, kun sinda minaagrangay; minatabang ako sa mga ilo na mayo nin makikilingan.

An Libro ni Job 36:15

Alagad tinutukdoan nin Dios an tawo sa paagi nin pagtios, asin ginagamit an kawaraan nin paglaom sa pagpahiling sainda kan katotoohan.

Salmo 10:17

Dadangogon mo, Kagurangnan, an mga pamibi nin mga mahuyo; tatawan mo sinda nin kosog nin boot.

Salmo 102:17

Dadangogon niya an pamibi kan mga dukha; dai niya ikakaanggot an saindang pakimaherak.

Salmo 102:20

tanganing dangogon an inagrangay kan mga bilanggo, asin patalingkason an mga nakondenar na magadan.

Salmo 55:17

Aga, odto saka banggi ako minareklamo saka minaagrangay, asin dadangogon niya an sakuyang tingog.

Salmo 72:4

Surogon logod niya an mga dukha kan banwaan, iligtas an daing sukat asin ronoton an nang-aapi.

Mga Talinhaga 29:7

Minimidbid kan matanos an deretso kan dukha, alagad dai iyan nasasabotan kan mga maraot.

Parahulit 4:1

Dangan hiniling ko giraray an gabos na inhustisya na ginigibo sa kinaban. Nagtatangis an mga inaapi asin mayo nin minaranga sainda, huli ta an mga nag-api sainda iyo an igwa nin kapangyarihan.

Isaias 41:17

“Kun an sakong banwaan maghanap nin tubig dangan mayong makua, kun magmara an saindang halonan sa paha, ako, an Kagurangnan, an masimbag sainda; ako, an Dios nin Israel, dai nanggad mapabaya sainda.

Lukas 4:18

“Nasa sako an Espiritu nin Kagurangnan, huli ta linahidan niya ako sa paghulit kan Marahay na Bareta sa mga dukha. Sinugo niya ako sa pagpahayag kan katalingkasan sa mga bihag, sa pagtao nin pakahiling sa mga buta, sa pagpatalingkas sa mga inaapi,

Lukas 7:22

Nagsimbag si Jesus, “Magbalik na kamo asin sabihan nindo si Juan kan nahiling saka nadangog nindo: nakakahiling an mga buta, nakakalakaw an mga pilay, nalilinigan an mga daoton, nakakadangog an mga bongog, binubuhay an mga gadan, asin an Marahay na Bareta ipinaghuhulit sa mga dukha.

2 Corinto 8:9

Aram nindo an biyaya ni Jesu-Cristo na satong Kagurangnan: maski siya mayaman, nagpakadukha siya dahel saindo, tanganing magin mayaman kamo sa saiyang kadukhaan.

Hebreyo 7:25

Ngunyan asin sa gabos na oras, ikakaligtas niya an mga minadolok sa Dios sa paagi niya, huli ta nabubuhay siya sagkod lamang tanganing makimaherak sa Dios para sainda.

1 Samuel 22:2

Nagduman man ki David an mga tawong inapi, an mga may utang asin an mga bakong kontento sa buhay, haros apat na gatos gabos, asin si David an saindang nagin pamayo.