Salmo 72:11 - Marahay na Bareta Biblia

¹¹ Gabos na hade magluhod logod sa atubang niya, gabos na nasyon maglingkod saiya.

Salmo 72:11 ပူးပေါင်းရင်းမြစ်များ

Salmo 86:9

Madatong an gabos na nasyon na saimong linalang; mataong galang sa saimong atubang; asin mapamuraway kan saimong ngaran.

Isaias 11:9

Mayo nin anoman na maraot na mangyayari sa sainda sa Sion, sa banal na bulod nin Dios, huli ta an kinaban magigin pano kan pakaaram nin Kagurangnan, siring na an kadagatan pano nin katubigan.

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Mikas 7:17

Makamang sinda sa alpog arog sa mga halas; maabot sinda hale sa saindang mga bantayan na nagtatakig saka natatakot. Sa katakotan, madolok sinda sa Kagurangnan na samong Dios.

Mga Bilang 24:7

Magkakaigwa sinda nin abundang uran. Asin itatanom ninda an saindang banhi sa matubig na kaomahan! An saindang hade magigin mas makosog ki Agag, Asin an kahadean ninda ilalangkaw.

Roma 11:25

Mga tugang, sasabihon ko saindo an sarong misteryo tanganing dai kamo mag-isip na anong dodonong nindo: an katagasan kan payo kan banwaan nin Israel dai magdadanay. Sagkod sana iyan sa oras na magdolok sa Dios an tamang bilang kan mga pagano.

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”

Kapahayagan 17:14

Lalabanan ninda an Kordero, alagad dadaogon sinda kan Kordero saka kan saiyang mga inapod, pinili, saka maimbod na mga parasunod, huli ta siya an Kagurangnan nin mga kagurangnan asin Hade nin mga hade.”

Kapahayagan 21:24

Maglalakaw sa kaliwanagan kaiyan an mga nasyon, saka dadarahon diyan kan mga hade sa daga an saindang mga kayamanan.

Kapahayagan 21:26

Dadarahon sa syudad na iyan an kabantogan asin kayamanan kan mga nasyon.