Salmo 72:10 - Marahay na Bareta Biblia

¹⁰ Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Salmo 72:10 ပူးပေါင်းရင်းမြစ်များ

Genesis 10:7

An mga aking lalaki ni Cus iyo si Sheba, Havila, Sabta, Raama asin Sabteca. An mga aking lalaki ni Raama iyo si Sheba saka Dedan.

1 Mga Hade 10:1

Nadangog kan reyna nin Sheba an kabantogan ni Solomon, kaya nagduman siya tanganing baloon si Solomon sa paagi nin mga dipisil na hapot.

1 Mga Hade 10:10

Itinao niya ki Hadeng Solomon an mga regalong dara niya: sobra sa kwatro mil na kilo nin bulawan asin dakul na pahamot saka mga mahalagang bato. An halaga kan mga pahamot na itinao niya ki Solomon iyo an pinakadakul sa mga inako na ni Solomon. (

1 Mga Hade 10:2

Nag-abot siya sa Jerusalem kaiba an kadakul na sorogoon, mga kamelyo na may kargang mga pahamot, dakul na bulawan saka mga mahalagang bato. Kan mag-abot an reyna, sinaro-saro niya ki Solomon an gabos na hapot na nasa isip niya.

1 Mga Hade 10:25

An lambang saro sainda nagdara kan saiyang regalo, mga kagamitan na bulawan saka plata, mga gubing, mga armas, mga pahamot, mga kabayo, sagkod mga mula; danay ining nangyayari taon-taon.

2 Mga Cronica 9:21

huli ta an mga barko kan hade minaduman sa Tarsis kaiba kan mga sorogoon ni Hiram, dangan lambang ikatolong taon, minabalik hale sa Tarsis na may darang bulawan, plata, marpil, mga kabalang asin mga ukay.

Esther 10:1

Pinapagbuhis ni Hadeng Jerjes an gabos na tawo na sakop niya, sagkod kan mga nag-eerok sa tampi kan mga dagat.

Salmo 45:12

Mga taga Tiro madara saimo nin mga regalo; mga tawong mayaman magmamawot na mawilihan mo.

Salmo 68:29

Huli kan saimong Templo sa Jerusalem, an mga hade nagdadara saimo nin mga regalo.

Salmo 68:30

Tuyawa an Egipto, an maringis na hayop na nag-eerok sa kabariwan; tuyawa an mga nasyon, an mga torong baka asin an saindang mga ogbon, sagkod na sinda magluhod asin magdolot saimo kan saindang mga plata. Iwarak mo an mga tawong namomoot sa pakigera.

Isaias 42:10

Awitan nindo nin bagong awit an Kagurangnan; awita nindo an saiyang pag-omaw, bilog na kinaban! Omawon nindo siya, gabos na linalang sa dagat. Mag-awit kamo, mga harayong daga asin kamo gabos na nag-eerok diyan!

Isaias 42:4

Dai siya mawawaraan nin paglaom o kosog nin boot; papupusogon niya an hustisya sa kinaban. Hinahalat kan mga harayong daga an saiyang katukdoan.”

Isaias 43:3

Huli ta ako an Kagurangnan na saimong Dios, an banal na Dios nin Israel, an nagliligtas saimo. Itatao ko an Egipto bilang pantubos sa saimo; an Etiopia saka an Seba, bilang karibay mo.

Isaias 43:6

Tataraman ko an amihan na butasan sinda asin an habagat na dai sinda pagpugolon. Tugote nindong magbalik an sakong banwaan hale sa harayong mga daga, hale sa gabos na poro ka kinaban.

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Isaias 60:3

An mga nasyon madadagka kan saimong liwanag, asin an mga hade madadagka kan nagbabanaag na bago mong aldaw.

Isaias 60:6

Kadakul na kamelyo an madatong hale sa Midian saka sa Efa. Madatong sinda hale sa Sheba, na nagdadara nin bulawan saka insenso. Magpapahayag an mga tawo kan marahay na bareta, kun ano an ginibo nin Kagurangnan!

Isaias 60:9

An mga sakayan na ini harale sa harayong mga daga; nakalunad diyan an banwaan nin Dios. May dara sindang plata saka bulawan tanganing omawon an ngaran nin Kagurangnan, an banal na Dios nin Israel, na nagpamuraway kan saiyang banwaan sa mata kan gabos na nasyon.

Mateo 2:11

Paglaog ninda sa harong, nahiling ninda an omboy asin si Maria na saiyang ina. Nagluhod sinda saka nagsamba sa omboy. Dangan idinolot ninda saiya an mga dara nindang regalong bulawan, insenso, asin mira.