Salmo 71:9 - Marahay na Bareta Biblia

⁹ Hare ako pagsikwalan ngunyan na ako gurang na; hare ako pagpabayae ngunyan na ako maluya na.

Salmo 71:9 ပူးပေါင်းရင်းမြစ်များ

2 Samuel 19:35

Otsentang taon na ako, asin mayo na akong nawiwilihan. Dai ko na nananamitan an sakong kinakakan o iniinom; dai ko na nadadangog an mga tingog nin mga paraawit. Magigin pagabat sana ako sa mahal na Hade.

Salmo 71:18

Ngunyan na ako gurang saka ubanon na, O Dios, dai mo ako pagbayaan, sagkod na ikabalangibog ko an saimong kapangyarihan sa gabos na maabot na kapagarakian.

Salmo 73:26

Pwedeng panluyahon an sakong isip asin hawak, alagad an Dios iyo an sakong kosog; siya sana an kaipuhan ko sagkod lamang.

Salmo 90:10

Setentang taon an lawig kan samuyang buhay, o gayod otsenta kun kami makosog. Alagad mga taon na nagdadara nin kasakitan asin kamondoan; gabos minaagi sana, dangan napapara an samuyang buhay.

Isaias 46:4

Ako an saindong Dios asin aatamanon ko kamo sagkod na kamo maggurang saka magputi an saindong buhok. Ako an naggibo saindo asin ako an maataman saindo; tatabangan ko kamo asin ililigtas ko kamo.

2 Timoteo 1:12

iyan an dahelan kaya nagtitios ako kan mga bagay na ini. Alagad dai ako nasosopog huli ta midbid ko an sakong tinutubod, asin naniniwala ako na iingatan niya sagkod sa huring Aldaw an ipinaniwala niya sakuya.

2 Timoteo 4:18

Ililigtas ako nin Kagurangnan sa gabos na maraot, asin dadarahon niya ako sa saiyang kamurawayan sa langit. Mapasaiya an kamurawayan sagkod lamang! Amen.