Salmo 71:22 - Marahay na Bareta Biblia

²² Oomawon taka kan sakuyang arpa, huli kan saimong pagkamaimbod, O sakuyang Dios. Aawitan taka nin kaomawan kan sakuyang lira, O Banal na Dios nin Israel.

Salmo 71:22 ပူးပေါင်းရင်းမြစ်များ

2 Mga Hade 19:22

Siisay sa paghona mo an saimong pinagtutuyatuya asin pinag-oolog-olog? Ako, an banal na Dios nin Israel, dai mo ginalangan.

Salmo 138:2

Minaduko ako sa atubang kan saimong banal na Templo asin minaomaw kan saimong ngaran, huli kan danay mong pagkamoot asin kaimbodan; huli ta an saimong ngaran asin tataramon ginibo mong halangkaw sa gabos.

Salmo 144:9

Maawit ako saimo nin bagong awit, O Dios; matugtog ako sa arpa asin maawit saimo.

Salmo 25:10

Pagkamoot asin kaimbodan an gabos niyang dalan, para sa mga nag-ootob kan saiyang tipan saka kabotan.

Salmo 33:2

Omawon nindo an Kagurangnan sa paagi nin lira, awitan siya sa paagi nin may sampolong kwerdas na arpa.

Salmo 43:4

Dangan madolok ako sa altar nin Dios, sa Dios na sakuyang kaogmahan. Oomawon taka sa pagtugtog kan lira, O Dios, sakuyang Dios.

Salmo 56:4

Minasarig ako sa Dios asin dai ako natatakot. Inoomaw ko siya huli kan saiyang panuga. Ano an magigibo nin tawo sa sako?

Salmo 78:41

Dakul na beses binalo ninda an Dios, asin pinaanggot an Banal na Dios nin Israel.

Salmo 89:1

Aawiton ko sagkod pa man an danay mong pagkamoot, Kagurangnan; irurukyaw ko an saimong kaimbodan sa gabos na kapagarakian.

Salmo 89:18

Kagurangnan, ika an nagpili kan samong parasurog; Banal na Dios nin Israel, ika an nagtao samo kan samong hade.

Salmo 98:3

Naromdoman niya an danay niyang pagkamoot asin pagkamaimbod sa harong ni Israel. Nahiling kan gabos na poro kan daga an kapangganahan kan satuyang Dios.

Salmo 98:4

Gabos na daga maogmang magkurahaw sa Kagurangnan; omawon siya sa mga awit asin sa mga kurahaw nin kaogmahan!

Salmo 98:5

Mag-awit nin mga pag-omaw sa Kagurangnan! Musika tugtogon sa arpa!

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 43:3

Huli ta ako an Kagurangnan na saimong Dios, an banal na Dios nin Israel, an nagliligtas saimo. Itatao ko an Egipto bilang pantubos sa saimo; an Etiopia saka an Seba, bilang karibay mo.

Isaias 5:16

Alagad ipinapahiling kan Kagurangnan nin mga hukbo an saiyang kadakulaan huli sa paggibo nin tama, asin ipinapahayag niya an saiyang kabanalan huli sa paghukom kan saiyang banwaan.

Isaias 5:19

na nagsasabing: “Pahidalia an Kagurangnan, asin otobon niya an sinabi niyang gigibohon niya, tanganing satong mahiling. Gibohon na logod kan banal na Dios nin Israel an saiyang mga plano; hilingon ta kun ano an nasa isip niya.”

Isaias 5:24

Kaya siring na hinahalon kan dila nin kalayo an dagami, siring na minakulpa an alang na doot sa kalayo, malalapa an saindang mga gamot, maaalang saka mararakdag an saindang mga burak huli ta isinikwal ninda an katogonan kan Kagurangnan nin mga hukbo, asin saindang pinag-olog-olog an tataramon kan banal na Dios nin Israel.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 60:9

An mga sakayan na ini harale sa harayong mga daga; nakalunad diyan an banwaan nin Dios. May dara sindang plata saka bulawan tanganing omawon an ngaran nin Kagurangnan, an banal na Dios nin Israel, na nagpamuraway kan saiyang banwaan sa mata kan gabos na nasyon.

Mikas 7:20

Ipapahiling mo sa saimong banwaan, an mga kapagarakian ni Abraham asin ni Jacob, an saimong kaimbodan saka danay na pagkamoot, siring sa ipinanuga mo sa samong mga ginikanan kaidtong panahon.

Roma 15:8

Huli ta sinasabihan ko kamo, na si Cristo nagin sarong sorogoon kan mga Judio tanganing ipahiling na maimbod an Dios sa pag-otob kan panugang itinao niya sa mga ginikanan ninda,