Salmo 71:19 - Marahay na Bareta Biblia

¹⁹ An saimong katanosan, O Dios, nakakaabot sa kalangitan. Mga dakulang ngangalasan an saimong ginibo; mayo nin arog saimo.

Salmo 71:19 ပူးပေါင်းရင်းမြစ်များ

An Libro ni Job 5:9

Siya an naggigibo nin darakula saka dai malaladop na mga bagay; makangangalas na mga bagay na dai mabibilang:

Salmo 139:6

An kadonongan mo halangkaw para sako, dai maabot kan sakong pag-isip.

Salmo 35:10

Masarabi an sakong mga tolang, “Siisay an makakaarog saimo, Kagurangnan? Iliniligtas mo an mga maluya, sa mga mas makosog sainda; an mga dukha, sa nang-aapi sainda.”

Salmo 36:7

Mahalaga, O Dios, an danay mong pagkamoot! An mga aki nin tawo minapaili sa lindong kan saimong mga pakpak.

Salmo 57:10

An danay mong pagkamoot nakakaabot sa kalangitan; an saimong pagkamaimbod abot sa kaitaasan.

Salmo 72:18

Pag-omawon an Kagurangnan, an Dios nin Israel! Siya sana an naggigibo nin makangangalas na mga bagay.

Salmo 86:8

Sa mga dios mayo nin arog saimo, Kagurangnan; mayong gibo na makakaarog sa saimong mga gibo.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Mga Talinhaga 15:24

An dalan kan madonong patukad sa buhay, tanganing malikayan niya an kagadanan na nasa ibaba.

Mga Talinhaga 24:7

An hararom na kasabihan dai masasabotan kan mangmang. Mayo siya nin ikakataram kun igwa nin mahalagang pag-orolay.

Isaias 40:18

Sa kiisay nindo ikakabaing an Dios? Paano nindo ilaladawan kun ano siya?

Isaias 40:25

Sa kiisay pwedeng ikabaing an Dios? Igwa daw nin makakaarog saiya?

Isaias 5:16

Alagad ipinapahiling kan Kagurangnan nin mga hukbo an saiyang kadakulaan huli sa paggibo nin tama, asin ipinapahayag niya an saiyang kabanalan huli sa paghukom kan saiyang banwaan.

Isaias 55:9

Kun paanong an kalangitan mas halangkaw ki sa daga, siring man an sakong mga paagi sa saindong mga paagi asin an sakong mga kaisipan sa saindong mga kaisipan.

Jeremias 10:7

Siisay an dai matatakot saimo, O Hade kan mga nasyon? Maninigo kang katakotan. Mayo nin makakaarog saimo sa gabos na madodonong sa mga nasyon, o sa arin man sa saindang mga hade.

Lukas 1:49

huli ta an Makakamhan guminibo para sako nin dakulang mga bagay; asin Banal an saiyang ngaran.

Deuteronomio 3:24

‘O Kagurangnan Dios, aram kong an ipinahiling mo sako iyo pa sana an kapinonan kan mga darakula asin makangangalas na mga bagay na gigibohon mo. Mayo nin dios sa langit asin sa daga na makakagibo kan mga ginibo mo.