Salmo 71:16 - Marahay na Bareta Biblia

¹⁶ Oomawon ko an saimong kapangyarihan, O Kagurangnan Dios; mayo akong ipagbabantog kundi an saimong karahayan.

Salmo 71:16 ပူးပေါင်းရင်းမြစ်များ

Salmo 106:2

Siisay an makakabilang kan dakulang mga bagay na saiyang ginibo? Siisay an makakatao saiya kan maninigong kaomawan?

Salmo 29:11

Kosog itao logod nin Kagurangnan sa saiyang banwaan! Bendisyonan logod niya sinda nin katoninongan!

Salmo 51:14

Ligtasan ako, O Dios, sa kagadanan, ika na Dios nin sakuyang kaligtasan, asin an sakong dila mag-aawit kan saimong katanosan.

Salmo 71:15

Ipapahayag kan sakong ngoso an saimong karahayan; an saimong kaligtasan sa bilog na aldaw, maski ngani iyan dipisil kong masabotan.

Salmo 71:19

An saimong katanosan, O Dios, nakakaabot sa kalangitan. Mga dakulang ngangalasan an saimong ginibo; mayo nin arog saimo.

Salmo 71:2

Sa saimong pagkamatanos ligtasan ako; himatea asin agawa ako!

Salmo 71:24

Bilog na aldaw an sakong dila magtataram kan saimong katanosan, huli ta nawaran nin dangog asin nasopog, an mga nagmamawot magtao sako nin kulog.

Isaias 26:13

O Kagurangnan na samong Dios, pinaghadean kami nin iba pwera saimo, alagad ika sana an samong Kagurangnan.

Isaias 40:31

Alagad an mga nagsasarig sa tabang nin Kagurangnan makakakua nin bagong kosog. An kosog ninda makakaarog sa mayong kapagalan na mga pakpak nin agila; madalagan sinda alagad dai mapapagal; malakaw sinda alagad dai manluluya.

Isaias 63:7

Ipapahayag ko an danay na pagkamoot nin Kagurangnan; inoomaw ko siya huli kan gabos na ginibo niya para samo. Dakulang marahay an itinao niyang biyaya sa banwaan nin Israel huli kan saiyang pagkaherak asin danay na pagkamoot.

Zacarias 10:12

Papakosogon ko an sakong banwaan; sasambahon asin kukuyogon ninda ako.” An Kagurangnan an nagtaram.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Roma 1:17

Huli ta ipinapahayag kan Marahay na Bareta kun paano pinangagin matanos nin Dios sa saiya an tawo: sa paagi nin pagtubod magpoon sa kapinonan sagkod sa kataposan. Siring sa nasusurat, “An tawong pinangagin matanos sa Dios sa paagi nin pagtubod, mabubuhay.”

Roma 10:3

Dai ninda nasasabotan an katanosan na gikan sa Dios, kaya naghahanap sinda nin sadiring paagi, embes na mag-oyon sa katanosan nin Dios.

Roma 3:21

Alagad ipinahayag na ngunyan kun paano nin Dios pinangagin matanos an tawo saiya. Iyan bakong sa paagi nin Katogonan, maski an Katogonan asin an mga propeta nagpatotoo dapit kaiyan.

Efeso 3:16

Hinahagad ko sa Dios, sa paagi kan saiyang Espiritu, na tawan niya kamo nin kosog nin buhay na espiritwal, gikan sa kayamanan nin saiyang kamurawayan,

Efeso 6:10

Sa kataposan, magin makosog kamo sa pakisumaro sa Kagurangnan, sa kosog kan saiyang kapangyarihan.

Deuteronomio 33:25

Mga banwa niya kudalon logod nin lansang; mag-erok logod siya na daing kahandalan.”

Filipos 3:9

asin makisumaro saiya. Mayo na ako nin sadiring katanosan, an katanosan na nakukua sa pagkuyog kan Katogonan. Igwa na ako ngunyan nin katanosan na itinatao huli sa pagtubod ki Cristo, katanosan na hale sa Dios asin napapatugmad sa pagtubod.

Filipos 4:13

An gabos magigibo ko huli ki Cristo na nagpapakosog sako.

2 Tesalonica 1:6

Gigibohon nin Dios an tama; papasakitan niya an mga nagpapasakit saindo.

2 Timoteo 2:1

Aki ko, magin makosog ka huli sa biyaya na yaon ki Cristo Jesus.