Salmo 71:14 - Marahay na Bareta Biblia

¹⁴ Alagad padagos akong maglalaom saimo, ika orog na oomawon ko.

Salmo 71:14 ပူးပေါင်းရင်းမြစ်များ

An Libro ni Job 13:15

Ano kun gadanon ako nin Dios; mayo na ako nin paglaom. Alagad isasaysay ko saiya an sakong kaso.

Salmo 130:7

O Israel, maglaom ka sa Kagurangnan! Huli ta nasa saiya an danay na pagkamoot, asin an kapanoan nin kaligtasan.

Salmo 43:5

Tadaw ta mamondo ka, O kalag ko? Tadaw ta napupurisaw ka? Maglaom ka sa Dios; huli ta oomawon ko siya giraray, sakuyang tabang asin sakuyang Dios.

Salmo 71:6

Sa saimo ako nagsandig poon kan sakong pagkamundag; sinurog mo poon sa tulak nin sakong ina. Ika danay kong oomawon.

Mga Panambitan 3:21

Alagad minabalik an paglaom kun naroromdoman ko an bagay na ini:

Mga Panambitan 3:24

Minasabi an kalag ko, “An Kagurangnan iyo an sakong kahirasan, kaya sa saiya ako minalaom.”

Mga Panambitan 3:25

An Kagurangnan marahay sa nagsasarig asin naghahanap saiya.

Mga Panambitan 3:26

Kaya marahay para sa sato an maghalat na may pakatios— an maghalat sa saiya tanganing iligtas kita—

Filipos 1:9

Ipinapamibi ko na orog pang magtalubo an saindong pagkamoot, sagkod an saindong pakanood saka pakasabot,

1 Tesalonica 4:10

Totoong namomotan nindo an gabos na tugang sa bilog na Macedonia. Alagad sinasadol mi kamo, mga tugang, na mag-orog pa logod an saindong pagkamoot.

Hebreyo 10:35

Kaya dai kamo mawaraan nin kosog nin boot huli ta may katimbang ining dakulang balos.

1 Pedro 1:13

Kaya andamon nindo nin marahay an saindong mga isip; magmaan kamo; ibugtak nindo an saindong bilog na paglaom sa biyaya na itatao saindo kun ihayag na si Jesu-Cristo.

2 Pedro 3:18

Magpadagos kamong magtalubo sa biyaya saka pakaaram dapit sa satong Kagurangnan asin Paraligtas na si Jesu-Cristo. Mapasaiya an kamurawayan ngunyan asin sagkod pa man! Amen.

1 Juan 3:3

An siisay man na igwa kan paglaom na ini ki Cristo nagdadanay na malinig, arog ki Cristo.