Salmo 71:12 - Marahay na Bareta Biblia

¹² O Dios, dai ka magharayo sako; sakuyang Dios, paghumare sa pagtabang sako!

Salmo 71:12 ပူးပေါင်းရင်းမြစ်များ

Salmo 10:1

Tadaw ta harayo kang marahay, Kagurangnan? Tadaw ta nagtatago ka kun kami nasa kahorasaan?

Salmo 143:7

Paghumare sa pagsimbag sako, Kagurangnan! Pinanluluya an sakuyang espiritu! Hare pagtagoa sako an lalawogon mo, tibaad makaarog ako sa mga nahulog sa lulubngan.

Salmo 22:11

Dai mo ako pagbayaan, huli ta harani an kasakitan, asin mayo sako nin matabang.

Salmo 22:19

Alagad, Kagurangnan, dai ka magharayo sako! Ika an sakong kosog; paghumare sa pagtabang sako!

Salmo 35:22

Alagad, Kagurangnan, nahiling mo; dai ka mag-alo! Kagurangnan, dai ka magharayo sako!

Salmo 40:13

Kagurangnan, ligtasan ako! Kagurangnan, paghumare sa pagtabang sako!

Salmo 69:18

Madya sako, tubosa ako, ligtasan ako sa mga kaiwal ko.

Salmo 70:5

Ako dukha asin nangangaipo, O Dios, paghumare sa pagtabang sako. Ika an sakuyang tabang asin paraligtas, hare paghaloy, Kagurangnan.