Salmo 7:8 - Marahay na Bareta Biblia

⁸ Hinuhukoman nin Kagurangnan an mga banwaan; hukoman mo ako, Kagurangnan, sosog sa sakong katanosan; aram mo na ako mayo nin kasalan.

Salmo 7:8 ပူးပေါင်းရင်းမြစ်များ

Genesis 18:25

Aram kong dai mo gagadanon an matanos kaiba kan maraot. Dai mo gigibohon iyan! Kun gibohon mo iyan, madadamay an mga matanos sa pagpadusa kan mga maraot. Imposibleng gibohon mo iyan! Matanos an Hukom kan bilog na kinaban!”

Genesis 31:53

Husgaran logod kita kan Dios ni Abraham, ni Nahor, asin nin saindang mga magurang.” Kaya nanumpa si Jacob sa ngaran kan Dios na sinamba ni Isaac na saiyang ama.

2 Mga Cronica 20:12

Ika an samuyang Dios! Padusahan mo sinda, huli ta mayo kami nin kosog na atubangon an dakulang hukbo na ini na nagsasalakay samo. Dai mi aram kun ano an samong gigibohon, alagad minalaom kami na tatabangan mo kami.”

Salmo 11:4

An Kagurangnan yaon sa saiyang banal na templo; yaon sa langit an saiyang trono. Minamasdan niya an mga tawo saen man na lugar asin aram niya an saindang ginigibo.

Salmo 25:21

An sakong karahayan asin katanosan iyo logod an magligtas sako, huli ta naghahalat ako saimo.

Salmo 26:1

Tawan mo ako nin katanosan, Kagurangnan, huli ta ako naglakaw sa kabanalan, asin daing pagduwa-duwang nagsarig sa Kagurangnan.

Salmo 26:11

Alagad para sako, maglalakaw ako sa katanosan; ligtasan ako saka saimong kaherakan.

Salmo 41:12

Tinatabangan mo ako, huli ta ginigibo ko an matanos; pinapadanay sa saimong atubang sagkod lamang.

Salmo 43:1

Tawe ako nin katanosan, O Dios, asin suroga ako tumang sa mga maraot; ligtasan ako sa mga tawong madaya asin bakong matanos!

Salmo 78:72

Inataman sinda ni David sa katanosan nin saiyang puso; may kakayahan na pinangenotan niya sinda.

Salmo 82:1

An Dios iyo an namamayo sa langitnon na katiriponan; sa tahaw nin mga dios siya an naghuhukom:

Salmo 9:8

Pinaghahadean niya an kinaban sa katanosan; an mga banwaan matanos niyang hinuhukoman.

Salmo 96:13

sa atubang nin Kagurangnan, huli ta siya minadatong, huli ta siya minadatong tanganing hukoman an daga. Huhukoman niya an kinaban sa katanosan, asin an mga banwaan, sa saiyang katotoohan.

Salmo 98:9

huli ta madatong siya tanganing maghukom sa daga. Maghuhukom sa mga banwaan nin kinaban sa katanosan asin sa katotoohan.

Mga Talinhaga 19:1

Mas marahay an magin dukha alagad matanos an pamumuhay, ki sa magin putikon na lolong.

Mga Gibo 17:31

Huli ta nagtalaan an Dios nin sarong aldaw na huhukoman niya an kinaban sa katanosan, sa paagi nin sarong tawo na pinili niya. Ini pinatotoohan niya sa gabos kan buhayon niya liwat an tawong iyan!”

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

1 Tesalonica 2:10

Kamo an samong mga saksi, siring man an Dios, na marahay, matanos, asin maninigo an samong gawe saindong mga paratubod.