Salmo 69:3 - Marahay na Bareta Biblia

³ Napapagal na ako sa kahihibi; mamara na an sakuyang halonan. Nagdidiklom na an sakuyang mga mata, sa kahahalat saimo, O Dios.

Salmo 69:3 ပူးပေါင်းရင်းမြစ်များ

An Libro ni Job 11:20

Alagad mahaharap an mga mata kan mga maraot; dai ninda makukua na dalan pasiring sa kaligtasan, asin an saindang magigin paglaom iyo an pagdatong kan kagadanan.”

An Libro ni Job 16:16

Namula an sakong lalawogon sa kahihibi; naghubag an sakong mga mata,

Salmo 119:123

Nanlalabog na an sakong mga mata sa kahahalat kan saimong kaligtasan, asin kan kaotoban kan saimong matanos na panuga.

Salmo 119:82

Nanlalabog na an sakong mga mata sa kahahalat para sa saimong ipinanuga, mantang naghahapot ako, “Nuarin mo ako rarangahon?”

Salmo 22:15

Siring sa mamarang alpog halonan ko naaalang; dila ko nakadukot sa sakong ngaragngag. Hinutad mo ako sa alpog nin kagadanan.

Salmo 22:2

Dios ko, kun aldaw ika sakong inaapod, alagad dai ka nagsisimbag; kun banggi ika man sakong inaapodan, alagad mayong nakukuang katoninongan.

Salmo 25:21

An sakong karahayan asin katanosan iyo logod an magligtas sako, huli ta naghahalat ako saimo.

Salmo 39:7

Kagurangnan, ano an sakuyang hahalaton? Ika nanggad sana an sakong paglaom.

Salmo 40:3

Bagong awit itinukdo niya sako, sarong awit nin pag-omaw sa satuyang Dios. Dakul an makakahiling saka matatakot, asin magsasarig sinda sa Kagurangnan.

Salmo 6:6

Napapagal na ako sa kaaagrangay; barubanggi dumog sa luha an sakong higdaan; natutomtom sa luha an sakong ulonan.

Salmo 69:21

Hudong an itinao ninda sako bilang kakanon; sa pagkapaha ko, suka an itinao nindang inomon.

Salmo 88:7

Nagagabatan ako kan saimong kaanggotan; nalalamos ako kan saimong mga alon.

Isaias 38:14

Sadit asin maluya an sakong tingog, asin nag-aguro ako arog sa sarong salampati. Napagal an sakong mga mata sa kahihiling sa langit. Kagurangnan, ligtasan ako sa gabos na kasakitan na ini.

Mga Panambitan 2:11

Hubag na an mga mata ko sa kahihibi; napupurisaw an kalag ko. Makuri an kamondoan kan puso ko huli sa pagkagadan kan sakuyang banwaan, huli ta nagkakadirismayo an mga aki saka mga omboy sa mga tinampo kan syudad.

Juan 19:28

Pakatapos kaini, huli ta aram na ni Jesus na tapos na an gabos, asin tanganing maotob an kasuratan, nagsabi siya, “Napapaha ako.”

Deuteronomio 28:32

Sa atubang nindo, itatao sa mga dayuhan an saindong mga aking lalaki saka babae, alagad mayo kamong magiginibo tanganing tabangan sinda. Aroaldaw mapapagal an saindong mga mata sa paghalat sainda alagad dai sinda mabalik.

Hebreyo 5:7

Kan nabubuhay pa si Jesus digdi sa kinaban, namibi siya sa makosog na tingog, nagtatangis asin nag-aagrangay sa Dios, na iyo an makakaligtas saiya sa kagadanan. Dinangog siya nin Dios huli ta siya mapakumbaba asin maimbod.