Salmo 69:17 - Marahay na Bareta Biblia

¹⁷ Hare pagtagoa sa saimong sorogoon an lalawogon mo; huli ta ako nahohorasa, tolos simbaga ako.

Salmo 69:17 ပူးပေါင်းရင်းမြစ်များ

An Libro ni Job 7:21

Dai mo na daw ako mapapatawad kan sakong kasalan? Dai mo na daw malilingawan an sala kong ginibo? Huli ta madali na akong magadan; hahanapon mo ako, alagad dai mo ako makukua.”

Salmo 102:2

Hare pagtagoa sako an saimong lalawogon, sa mga aldaw nin sakong kasakitan! Himatea ako; simbaga tolos sa aldaw na ako mag-apod.

Salmo 13:1

Sagkod nuarin mo ako lilingawan, Kagurangnan? Sagkod nuarin mo tatagoon sako an saimong lalawogon?

Salmo 143:7

Paghumare sa pagsimbag sako, Kagurangnan! Pinanluluya an sakuyang espiritu! Hare pagtagoa sako an lalawogon mo, tibaad makaarog ako sa mga nahulog sa lulubngan.

Salmo 143:9

Ligtasan ako, Kagurangnan, sa sakong mga kaiwal; sa sakong pagdulag, ika an sakong pailihan.

Salmo 22:24

Huli ta dai siya nabaldi sa mga dukha, dai nalingaw kan saindang kasakitan; dai man niya sinda tinalikdan, ata ngani dinangog kan sinda mag-agrangay.”

Salmo 27:9

Dai ka magtago sako!” Dai ka maanggot sako; hare pagsubolan an saimong sorogoon. Ika an sakong nagin tabang; hare ako pagpabayae o pagsikwalan. O Dios nin sakong kaligtasan!

Salmo 40:13

Kagurangnan, ligtasan ako! Kagurangnan, paghumare sa pagtabang sako!

Salmo 44:24

Tadaw ta tinatago mo an saimong lalawogon? Tadaw ta linilingawan mo an samong kasakitan asin kaapihan?

Salmo 66:14

Itatao ko saimo an ipinanuga ko kan ako nasa kasakitan.

Salmo 70:1

O Dios, ligtasan ako! Kagurangnan, paghumare sa pagtabang sako!

Mga Panambitan 3:22

Mayo nin kataposan an pagkamoot asin an pagkaherak nin Kagurangnan,

Mateo 26:38

Sinabihan niya sinda, “Makuring gayo an kamondoan ko na haros ikagadan ko! Digdi sana kamo asin magpuka sa kaibahan ko.”

Mateo 27:46

Kan mag-aalas tres na, nagkurahaw si Jesus nin makosog, “Eli, Eli, lema sabactani?” na an boot sabihon, “Dios ko, Dios ko, tadaw ta pinabayaan mo ako?”