Salmo 68:8 - Marahay na Bareta Biblia

⁸ naglinog an daga, nag-uran an kalangitan sa presensya nin Dios; naglinog an Sinai sa presensya nin Dios, an Dios nin Israel.

Salmo 68:8 ပူးပေါင်းရင်းမြစ်များ

Salmo 114:7

Magtakig ka, O daga, sa atubang nin Kagurangnan, sa atubang kan Dios ni Jacob,

Salmo 41:13

Pag-omawon an Kagurangnan, an Dios nin Israel; ngunyan asin sagkod pa man! Amen! Amen!

Salmo 68:35

Kinatatakotan an Dios sa saiyang santwaryo, an Dios nin Israel; siya minatao nin kapangyarihan asin kosog sa saiyang banwaan. Pag-omawon an Dios!

Salmo 77:18

An ribok kan saimong daguldol yaon sa buhawi; an saimong kikilat nag-ilaw sa kinaban; an daga naglinog asin tinakigan.

Exodo 13:18

Kaya pinalibot niya sinda sa kalangtadan pasiring sa Dagat na Pula, maski andam sinda sa pakilaban pagluwas ninda sa Egipto.

Exodo 19:16

Pagkaaga kan ikatolong aldaw, nagkaigwa nin daguldol saka kikilat, nagtunga sa bukid an sarong mahibog na panganoron asin nadangog an makosog na tanog kan trompeta. An gabos na tawo sa kampo nagtarakig sa takot.

Exodo 19:18

Napatos nin aso an bukid huli ta naghilig duman an Kagurangnan sa porma nin kalayo. Nag-itaas an aso arog sa aso nin sarong horno asin naglinog nin makosog an bilog na bukid.

Isaias 45:3

An mga kayamanan hale sa madiklom saka tagong mga lugar itatao ko saimo, dangan maaaraman mo na ako an Kagurangnan, asin na inapod ka sa saimong ngaran kan Dios nin Israel.

Isaias 64:1

Tadaw ta dai mo gision an langit dangan maghilig digdi? Mahihiling ka kan kabukidan asin magtatakig sinda sa takot.

Isaias 64:3

Kaidto, nagdatong ka asin naggibo nin makatakot na mga bagay na dai mi pinaglalaoman; nahiling ka kan kabukidan asin pinagtarakigan sinda.

Habakkuk 3:13

Nagluwas ka sa pagligtas kan saimong banwaan, sa pagligtas kan hadeng saimong pinili. Ginadan mo an pamayo kan mga maraot asin pinuho an saiyang mga parasunod.

Hebreyo 12:26

An saiyang tingog nakayugyog kan daga kaidto, alagad ngunyan nanunuga siya, “Sarong beses ko pang yuyugyogon bako sana an daga kundi pati an langit.”

Kapahayagan 11:19

Dangan nabuksan an templo nin Dios sa langit, kaya nahiling an Kaban nin Tipan nin Dios. Nagkaigwa nin mga kikilat, hagubohob, daguldol, linog saka makosog na uran nin yelo.

Hukom 4:14

Sinabihan ni Debora si Barak, “Lakaw! An Kagurangnan an mangengenot saimo! Sa aldaw na ini, itatao niya saimo an kapangganahan laban ki Sisera.” Kaya sa pangenot ni Barak, naglugsot hale sa Bukid nin Tabor an dyes mil na kalalakihan,