Salmo 68:1 - Marahay na Bareta Biblia

¹ Tumindog logod an Dios, makawarak logod an saiyang mga kaiwal; dumulag logod an mga naoongis saiya!

Salmo 68:1 ပူးပေါင်းရင်းမြစ်များ

2 Mga Cronica 6:41

“Tumindog ka, O Kagurangnan Dios, asin kaiba an Kaban nin Tipan, an tanda kan saimong kapangyarihan, lumaog ka sa Templo dangan mag-erok ka digdi sagkod lamang. Magubingan logod nin kaligtasan, Kagurangnan, an saimong kapadian, asin mag-ogma logod an mga banal sa saimong karahayan.

Salmo 21:8

Dadakopon kan hade an gabos niyang kaiwal; dadakopon niya an mga naoongis saiya.

Salmo 44:26

Magbangon ka, madya sa pagtabang samo! Ligtasan kami huli kan danay mong pagkamoot.

Salmo 59:11

Dai mo sinda paggadanon, ta tibaad malingaw an sakuyang banwaan; iwarak asin rumpagon mo sinda kan saimong kapangyarihan. O Kagurangnan, samuyang kalasag!

Salmo 68:14

Kan an mga hade iwararak kan Makakamhan na Dios sa Bukid nin Zalmon, yelo an pinahugpa niya duman.

Salmo 68:30

Tuyawa an Egipto, an maringis na hayop na nag-eerok sa kabariwan; tuyawa an mga nasyon, an mga torong baka asin an saindang mga ogbon, sagkod na sinda magluhod asin magdolot saimo kan saindang mga plata. Iwarak mo an mga tawong namomoot sa pakigera.

Salmo 89:10

Rinonot mo an impaktong si Rahab asin saimong ginadan; huli kan saimong kosog dinaog mo an saimong mga kaiwal.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Isaias 33:3

Kun nakikilaban ka para samo, nadurulag an mga nasyon na samong kaiwal,

Ezekiel 5:2

An saro sa tolong kabtang suloon mo sa tahaw kan syudad kun tapos na an pagsalakay. An ikaduwang kabtang kan buhok purutolon mo kan saimong espada mantang naglilibot ka sa syudad, dangan an ikatolong kabtang kan buhok iwarak mo tanganing ipadpad kan doros asin lalamagon ko iyan kan sakong espada.

Daniel 2:35

Naronot tolos an lansang, laboy, bronse, plata saka bulawan asin nagin siring sa alpog sa ginikan kun tig-init. Ipinalid iyan kan doros, asin mayo nin natada kaiyan. Alagad an gapong tuminama sa estatwa nagin sarong dakulang bukid na nakapano sa bilog na daga.

Mga Bilang 10:35

Kun ilalakaw na an Kaban nin Tipan minasabi si Moises, “Pagtindog, O Kagurangnan; magkawararak logod an saimong mga kaiwal asin magdurulag an mga anggot saimo!”

Deuteronomio 7:10

alagad dai siya nagduduwa-duwa sa pagpadusa sa mga naaanggot saiya.