Salmo 66:3 - Marahay na Bareta Biblia

³ Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Salmo 66:3 ပူးပေါင်းရင်းမြစ်များ

An Libro ni Job 25:2

“An pagsakop saka an takot yaon sa Dios; siya iyo an nagtatao nin katoninongan sa saiyang langitnon na kahadean.

Salmo 18:44

Mga dayuhan nagduruko sa atubangan ko; kan madangog ninda ako, nagkuyog sinda sako.

Salmo 18:45

Pinanruluya an saindang boot, asin tinatakigan na nagruluwas sa saindang mga bantayan.

Salmo 47:2

Huli ta an Kagurangnan, an Kahorohalangkawe, kinatatakotan, dakulang hade sa bilog na kinaban.

Salmo 65:5

Sinisimbag mo kami huli sa pagtao samo nin kapangganahan, O Dios nin samong kaligtasan. Minasarig saimo an gabos na tawo sa gabos na poro nin daga, sagkod sa pinakaharayong mga dagat.

Salmo 68:30

Tuyawa an Egipto, an maringis na hayop na nag-eerok sa kabariwan; tuyawa an mga nasyon, an mga torong baka asin an saindang mga ogbon, sagkod na sinda magluhod asin magdolot saimo kan saindang mga plata. Iwarak mo an mga tawong namomoot sa pakigera.

Salmo 76:12

na minaputol kan hinangos nin mga prinsipe, na minatakot sa mga hade nin daga.

Salmo 81:15

Sa atubang ko, maduko sa takot an mga naaanggot sako; an saindang padusa magdadanay sagkod lamang.

Exodo 15:21

Kinantahan sinda ni Miriam: “Mag-awit kamo sa Kagurangnan huli ta saiyang nakamtan mamurawayon na kapangganahan. Mga kabayo asin mga lunad man, itinapok niya sa kadagatan.”

Isaias 2:19

An mga tawo matarago sa mga lungib sa kagapoan asin sa mga kalot sa daga, sa pagdulag sa kaanggotan nin Kagurangnan, asin sa saiyang kamurawayan sa saiyang pagtindog sa pagyugyog kan kinaban.

Isaias 25:3

Kaya oomawon ka kan mga nag-eerok sa mapangyaring mga nasyon; katatakotan ka sa mga syudad nin makuring mga nasyon.

Isaias 40:26

Hilinga nindo an langit! Siisay an naglalang kan mga bitoon na saindong nahihiling? Siya na nangengenot sainda paluwas arog sa sarong hukbo, siya an nakakaaram kan saindang bilang, asin saro-saro niyang inaapod an saindang ngaran! Dakulang marahay an saiyang kapangyarihan— kaya mayong nawawara sainda maski saro man!

Isaias 64:3

Kaidto, nagdatong ka asin naggibo nin makatakot na mga bagay na dai mi pinaglalaoman; nahiling ka kan kabukidan asin pinagtarakigan sinda.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (