Salmo 65:2 - Marahay na Bareta Biblia

² huli ta dinadangog mo an mga pamibi. An gabos na tawo saen man na lugar madolok saimo

Salmo 65:2 ပူးပေါင်းရင်းမြစ်များ

1 Mga Hade 18:29

Nagpadagos sinda kan makosog na pag-apod ki Baal sagkod alas tres nin hapon; alagad mayo nin nagsimbag asin mayo nin nagdangog.

1 Mga Hade 18:37

Simbaga ako, O Kagurangnan, simbaga ako, tanganing maaraman kan mga tawong ini na ika, Kagurangnan, iyo sana an Dios asin pinapabalik mo sinda sa saimo.”

2 Mga Cronica 33:13

Dinangog nin Dios an saiyang pamibi asin tinugotan siyang makabalik sa Jerusalem, sa saiyang kahadean. Dangan naaraman ni Manases na an Kagurangnan iyo an Dios.

Salmo 102:17

Dadangogon niya an pamibi kan mga dukha; dai niya ikakaanggot an saindang pakimaherak.

Salmo 116:14

Ootobon ko an sakong mga panuga sa Kagurangnan, sa atubangan kan bilog niyang banwaan.

Salmo 116:18

Ootobon ko an sakong mga panuga sa Kagurangnan, sa atubangan kan bilog niyang banwaan,

Salmo 22:27

An mga poro kan daga makakagiromdom asin mabalik sa Kagurangnan; an gabos na pamilya kan mga nasyon magsasamba sa saiyang atubang.

Salmo 66:13

Sa saimong harong madara ako nin mga tinutong na atang; mga panuga ko saimo sakong ootobon.

Salmo 66:19

Alagad totoong an Dios naghinanyog, pamibi ko saiyang dinangog.

Salmo 66:4

An bilog na daga nagsasamba saimo; nag-aawit saimo nin mga pag-omaw, nag-aawit nin mga pag-omaw sa saimong ngaran.”

Salmo 86:9

Madatong an gabos na nasyon na saimong linalang; mataong galang sa saimong atubang; asin mapamuraway kan saimong ngaran.

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Isaias 65:24

Maski dai pa sinda nakakatapos kan pagpamibi, sisimbagon ko na sinda.

Isaias 66:23

Sa lambang Pyesta kan Bagong Bulan saka Sabbath, masaramba sa sako digdi sa Jerusalem an lambang nasyon,” an sabi kan Kagurangnan.

Nahum 2:1

Nineve, sinasalakay ka! An kapangyarihan na marumpag saimo nagdatong na. Bugtaki nin mga bantay an mga depensa! Bantayi an mga tinampo! Pag-andam sa pakilaban! (

Juan 12:32

Kun ako iitaas na hale sa daga, titiponon ko sa sako an gabos na tawo.” (

Mga Gibo 10:31

na nagsabi, ‘Cornelio! Dinangog nin Dios an saimong pamibi; ikinaogma niya an mga paglimos mo.

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”