Salmo 61:7 - Marahay na Bareta Biblia

⁷ O Dios, maghade logod siya sagkod pa man sa saimong atubang; logod siya bantayan kan danay mong pagkamoot asin pagkamaimbod.

Salmo 61:7 ပူးပေါင်းရင်းမြစ်များ

Genesis 24:27

asin nagsabi, “Pag-omawon an Kagurangnan, an Dios kan kagurangnan kong si Abraham, na nagpahiling kan saiyang danay na pagkamoot asin kaimbodan sa sakong kagurangnan; huli ta an Kagurangnan an nangenot sako pasiring sa mga kadugo kan sakong kagurangnan.”

Genesis 32:10

Bako akong maninigo kan danay mong pagkamoot asin kan pagkamaimbod na ipinahiling mo sako, na saimong oripon. Binalyo ko an Jordan na sugkod sana an dara alagad ngunyan nagbalik ako na may kaiba nang duwang grupo.

2 Samuel 7:26

Dangan madakula an saimong ngaran asin masabi an mga tawo sagkod pa man, ‘An Kagurangnan nin mga hukbo iyo an Dios nin Israel,’ asin magdadanay man an sakong kahadean sagkod pa man.

Salmo 21:5

Dakula an saiyang kamurawayan huli kan saimong tabang; tinawan mo siya nin kabantogan saka kapangyarihan.

Salmo 40:11

Hare pagsayumahan sako an saimong pagkaherak, Kagurangnan. Ingatan logod ako kan saimong pagkamaimbod asin danay na pagkamoot.

Salmo 41:12

Tinatabangan mo ako, huli ta ginigibo ko an matanos; pinapadanay sa saimong atubang sagkod lamang.

Salmo 43:3

Padarahan an saimong liwanag asin katotoohan; logod ako saindang pangenotan, darahon sa banal mong bulod asin sa saimong erokan.

Salmo 57:3

Masimbag siya hale sa langit, asin ililigtas ako; sosopogon niya an mga nang-aapi sako. Ipapahiling nin Dios an danay niyang pagkamoot asin an saiyang pagkamaimbod.

Mga Talinhaga 20:28

Magdadanay na pusog an trono kan hade kun maghahade siya sa katotoohan, kaimbodan, asin sa katanosan.

Mikas 7:20

Ipapahiling mo sa saimong banwaan, an mga kapagarakian ni Abraham asin ni Jacob, an saimong kaimbodan saka danay na pagkamoot, siring sa ipinanuga mo sa samong mga ginikanan kaidtong panahon.

Lukas 1:33

Maghahade siya sa kapagarakian ni Jacob sagkod lamang; an saiyang kahadean mayo nin kataposan!”

Hebreyo 9:24

Dai naglaog si Cristo sa Santwaryo na gibo sana kan tawo asin kaagid sana kan tunay na santwaryo; naglaog siya sa langit mismo, saen nakikiatubang siya sa Dios para sato.