Salmo 6:6 - Marahay na Bareta Biblia

⁶ Napapagal na ako sa kaaagrangay; barubanggi dumog sa luha an sakong higdaan; natutomtom sa luha an sakong ulonan.

Salmo 6:6 ပူးပေါင်းရင်းမြစ်များ

An Libro ni Job 10:1

“Naoongis ako sa sakong buhay. Hinanyoga an mapait kong inagrangay.

An Libro ni Job 16:20

Pinag-oolog-olog ako kan sakong mga katood; an sakong mga mata nagpapabulos nin luha sa Dios.

An Libro ni Job 23:2

“Sagkod ngunyan, nagrerebelde ako asin nagrereklamo sa Dios; dai ko mapupugolan an sakong inagrangay.

An Libro ni Job 7:3

Mayong halaga sa buhay ko an paglihis nin mga bulan; kamondoan an dara sako kan kabanggihon.

Salmo 115:17

An mga gadan dai nag-oomaw sa Kagurangnan, ni an mga yaon na sa lulubngan.

Salmo 30:10

Dangoga ako, Kagurangnan, asin maherak ka sako! Kagurangnan, tabangan mo ako!”

Salmo 38:9

Kagurangnan, aram mo an sakong mga kamawotan; nadadangog mo an gabos kong inagrangay.

Salmo 39:12

Hinanyoga an sakuyang pamibi, Kagurangnan, asin dangoga an sakuyang inagrangay; kun ako maghibi dumolok ka sa pagtabang. Ako saro sanang bisita, sarong dayuhan, arog kan sakong mga ginikanan.

Salmo 42:3

Sakong mga luha an sakuyang pagkakan sa aldaw asin sa banggi; mantang danay na minahapot sako an mga kaiwal, “Haen an saimong Dios?”

Salmo 69:3

Napapagal na ako sa kahihibi; mamara na an sakuyang halonan. Nagdidiklom na an sakuyang mga mata, sa kahahalat saimo, O Dios.

Salmo 88:11

An danay mong pagkamoot irinurukyaw daw sa lulubngan, sa lugar nin padusa an saimong kaimbodan?

Salmo 88:9

nagluluya an sakong mga mata huli sa kamondoan. Aroaldaw nag-aapod ako saimo, Kagurangnan; iniitaas ko sa pagpamibi an sakuyang mga kamot.

Isaias 38:18

Mayong makakaomaw saimo sa kinaban kan mga gadan; dai makakasarig sa saimong kaimbodan an sarong gadan.

Jeremias 14:17

Pinagbotan ako nin Kagurangnan na itaram ko sa banwaan an manongod sa sakong kamondoan asin magsabi: “Magbulos logod an mga luha sa sakong mga mata aldaw banggi; dai logod ako mag-ontok sa pagtangis, huli ta hararom an lugad kan sakong banwaan asin an kulog na saiyang namamatean makuring marahay.

Mga Panambitan 1:16

“Huli kaini ako naghihibi; mga mata ko nagbubulos nin luha. Mayo nin minaranga sako; mayo nin pwedeng magpakosog kan boot ko. Nagmomondo an sakong kaakian huli ta nadaog ako kan kaiwal.

Mga Panambitan 1:2

Naghihibi siya bilog na banggi, mga luha nagbubulos sa saiyang pisngi. Sa kadakul na namomoot saiya, mayo na ni sarong minaranga; mga katood niya nagpasaluib saiya asin gabos nagin kaiwal niya.

Mga Panambitan 2:11

Hubag na an mga mata ko sa kahihibi; napupurisaw an kalag ko. Makuri an kamondoan kan puso ko huli sa pagkagadan kan sakuyang banwaan, huli ta nagkakadirismayo an mga aki saka mga omboy sa mga tinampo kan syudad.

Lukas 7:38

Nagtindog siya sa likodan ni Jesus, sa may pamitisan. Nagtatangis siya asin an saiyang mga luha nagtatagdo sa mga bitis ni Jesus; pinahidan niya an mga ini kan saiyang buhok, hinadokan dangan inulaan nin pahamot.