Salmo 6:4 - Marahay na Bareta Biblia

⁴ Madya, Kagurangnan, ligtasan an sakong buhay, huli kan pagkamoot mo na daing kataposan.

Salmo 6:4 ပူးပေါင်းရင်းမြစ်များ

Salmo 116:4

Dangan nag-apod ako sa Kagurangnan, “Nakikimaherak ako saimo, Kagurangnan, ligtasan an sakong buhay!”

Salmo 116:8

Ilinigtas ako nin Kagurangnan sa kagadanan; pinahid niya an sakong mga luha, asin ilinikay an mga bitis ko sa pagkasingkog.

Salmo 120:2

“Ligtasan ako, Kagurangnan, sa mga ngosong putikon, sa dilang madaya.”

Salmo 121:7

Ililikay ka nin Kagurangnan sa gabos na pag-alaman; aatamanon niya an saimong buhay.

Salmo 13:2

Sagkod nuarin ko titioson an kasakitan? Sagkod nuarin mapapano nin kamondoan aldaw banggi an sakuyang puso? Sagkod nuarin an panggana sako kan sakuyang mga kaiwal?

Salmo 17:13

Madya, Kagurangnan, atubanga asin daoga sinda! Sa mga maraot ligtasan ako kan saimong espada;

Salmo 22:20

An kalag ko sa espada ligtasan; an buhay ko agawa sa mga ayam!

Salmo 25:7

Lingawe an sakong mga kasalan kan ako aki pa; huli kan danay mong pagkamoot asin pagkamarahayon, Kagurangnan, ako saimong giromdomon.

Salmo 69:13

Alagad para sako, mamimibi ako saimo, Kagurangnan. O Dios, sa panahon na saimong pagmarahayon, simbaga ako huli kan danay mong pagkamoot; huli ta ika maimbod sa saimong panuga.

Salmo 74:10

Sagkod nuarin, O Dios, magtutuya-tuya an kaiwal? Mag-oolog-olog daw sinda sagkod lamang kan saimong ngaran?

Salmo 79:5

Sagkod nuarin, Kagurangnan? Maaanggot ka daw sagkod lamang? Padagos daw na maglalaad siring sa kalayo an saimong kaanggotan?

Salmo 80:14

O Dios nin mga hukbo, kilingan mo kami! Dumungaw ka hale sa langit asin hilinga kami! Atamana ining ubasan,

Salmo 86:13

Huli ta dakula an danay mong pagkamoot sa sako; asin hinawas mo sa kairaroman nin Sheol an kalag ko.

Salmo 90:13

Sagkod nuarin, Kagurangnan, an saimong kaanggotan? Kaheraki an saimong mga sorogoon.

Isaias 38:17

An sakong kapaitan magigin katoninongan. Ililigtas mo an sakong buhay sa gabos na kapahamakan; pinapatawad mo an gabos kong kasalan.

Daniel 9:18

Hinanyoga kami, O Dios; hilinga kami asin an kasakitan na samong tinitios patin an tinitios kan syudad na nagdadara kan saimong ngaran. Namimibi kami saimo huli ta maheherakon ka, bakong huli ta matanos an samong gibo.

Malakias 3:7

Kamo, siring kan saindong mga ginikanan na naenot saindo, nagtalikod sa sakong mga togon asin dai nindo iyan inotob. Magbalik kamo sako, asin mabalik man ako saindo. Alagad minahapot kamo, ‘Ano an kaipuhan ming gibohon tanganing makabalik sa saimo?’

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!