Salmo 6:2 - Marahay na Bareta Biblia

² Ako napapagal, Kagurangnan, saimong kaherakan; bolonga ako, Kagurangnan, an sakong hawak nasasakitan.

Salmo 6:2 ပူးပေါင်းရင်းမြစ်များ

Genesis 20:17

Dangan namibi sa Dios si Abraham asin binulong nin Dios si Abimelek. Binulong man nin Dios an agom kan hade asin an mga oripon na babae tanganing magkaaki sinda,

An Libro ni Job 19:21

Kaherakan nindo ako, kaherakan nindo ako, o mga katood ko, huli ta hinampak ako kan kamot nin Dios!

An Libro ni Job 5:18

Huli ta siya an minalugad, alagad siya man an minabugkos; kamot niya an minakulog, alagad kamot man niya an minapaomay.

Salmo 22:14

Siring sa tubig kosog ko inuula, asin naggigirilo-gilo gabos kong mga tulang; an sakuyang puso siring sa taro, na natutunaw sa sakong daghan.

Salmo 30:2

Nag-agrangay ako saimo, Kagurangnan na sakong Dios, asin binolong mo ako;

Salmo 31:10

Natatapos an buhay ko sa kamondoan, nauubos an mga taon ko sa inagrangay. Nawawara an kosog ko sa kasakitan, asin nasasayang an gabos kong tolang.

Salmo 32:3

Kan dai ko ikinumpisal an sakong mga kasalan, napagal ako nin marahay, huli sa bilog na aldaw kong pag-agrangay.

Salmo 38:2

Huli ta linugad mo ako kan saimong mga pana; hinampak mo ako kan saimong kamot.

Salmo 38:3

An sakong hawak mayo nin karahayan huli kan saimong kaanggotan. Mayo nin karahayan an sakong mga tolang, huli kan sakuyang mga kasalan.

Salmo 38:7

An sakong hawak nagkakalayo sa kalentura, asin mayong nakukuang ginhawa.

Salmo 51:8

Panoa ako nin kaogmahan asin kagayagayahan; gibohang magin maogma an rinonot mong mga tolang.

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Jeremias 10:24

Padusahan mo an saimong banwaan, O Kagurangnan, alagad kan maninigo sana samo. Giboha iyan bakong sa kaanggotan, huli ta tibaad iyan an magin samuyang kataposan.

Jeremias 17:14

Kagurangnan, bolonga ako asin maoomayan ako; ligtasan ako asin magigin ligtas ako. Ika sana an inoomaw ko!

Oseas 6:1

Nagsasabi an mga tawo, “Magbaralik na kita sa Kagurangnan! Kinukulogan niya kita, alagad papaomayan niya kita; linugad niya kita, alagad bubugkoson niya an satong mga lugad.

Mga Bilang 12:13

Kaya namibi si Moises sa Kagurangnan, “Nakikimaherak ako, O Dios, na paomayan mo siya!”

Mateo 4:24

Nabantog siya sagkod sa Siria, kaya ipinabolong ninda saiya an gabos na may helang asin may kamatean: mga may demonyo, mga epileptiko asin mga paralitiko. Pinaomayan niya sinda gabos.

Deuteronomio 32:39

“‘Ako, asin ako sana, an Dios; mayo na nin ibang totoong dios. Nakakagadan ako saka nakakabuhay; nakakalugad saka nakakapaomay, asin mayong makakaolang sa gigibohon ko.