Salmo 57:4 - Marahay na Bareta Biblia

⁴ Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Salmo 57:4 ပူးပေါင်းရင်းမြစ်များ

An Libro ni Job 41:14

Siisay an makakapabuka kan saiyang mga salang, na napapalibotan nin makangingirhat na mga ngipon?

Salmo 10:9

siring sa sarong leon sa saiyang pinagtatagoan. Minahipa siya tanganing madakop an mga dukha; sinisiod niya sinda dangan ginuguyod sa harayo.

Salmo 35:17

Sagkod nuarin ka magmamasid sana, Kagurangnan? Ligtasan ako sa saindang mga pagsalakay; sa mga leon na ini, ligtasan an sakong buhay!

Salmo 43:3

Padarahan an saimong liwanag asin katotoohan; logod ako saindang pangenotan, darahon sa banal mong bulod asin sa saimong erokan.

Salmo 52:2

Bilog na maghapon iniisip mo an pagpakaraot nin iba, an dila mo siring sa matarom na labaha, ika na parapasaluib.

Salmo 55:21

An saiyang mga tataramon mahalnas pa ki sa mantika, alagad gera an nasa puso niya; an saiyang mga tataramon malumoy pa ki sa lana, alagad matarom siring sa espada.

Salmo 58:6

O Dios, ronota an mga ngipon kaining mariringis na leon; Kagurangnan, gabota an saindang mga tingo.

Salmo 59:7

Hilinga kun paano sinda minakurahaw; an saindang dila garo mga espada sa saindang ngoso; naghohona sindang mayo nin nakakadangog.

Salmo 64:3

Tinatais ninda siring sa espada an saindang mga dila; an saindang mga tataramon garong mga bosog na pinapatama.

Mga Talinhaga 12:18

An makulog na mga tataramon arog sa espada, nakakalugad nin hararom, alagad an mga tataramon kan madonong nakakabolong.

Mga Talinhaga 25:18

Garo espada, pamukpok, saka bosog na matarom an tawong nagsasaksi nin kaputikan laban sa saiyang kapwa.

Mga Talinhaga 28:15

Arog sa nag-uungal na leon o sa nagugutom na oso an hade na maringis sa mga dukha.

Mga Talinhaga 30:14

Igwa nin mga tawo na makuring nagbebentahe sa dukha asin sa daing sukat; sa paaging iyan sinda nabubuhay.

Santiago 3:6

An dila garo kalayo. Iyan sarong kinaban nin karatan na kabtang kan satong hawak na nakakadigta kan bilog tang hawak! An kalayo kan dila gikan sa impyerno; kinakalayohan kaiyan an bilog nyatong pagkatawo.

Kapahayagan 19:15

Nagluwas sa saiyang ngoso an sarong matarom na espada na iyo an gagamiton niya sa pagdaog kan mga nasyon. Magsasakop siya sainda na may kapot na pamakol na lansang, dangan papaluwason niya sa gilingan nin ubas an arak kan makangingirhat na kaanggotan nin Dios na Makakamhan.

Hukom 9:20

Alagad kun bako, tutongon logod kan kalayo ni Abimelec an mga lalaki nin Shekem asin Bet-millo; asin tutongon logod si Abimelec kan kalayo kan mga lalaki nin Shekem asin Bet-millo.”