Salmo 57:1 - Marahay na Bareta Biblia

¹ Kaheraki ako, O Dios, kaheraki ako, huli ta minapaalaw ako saimo. Sa lindong kan saimong mga pakpak ako minapaili, sagkod na an mga bagyo nin pag-alaman makaagi.

Salmo 57:1 ပူးပေါင်းရင်းမြစ်များ

Salmo 125:1

An mga nananarig sa Kagurangnan nakakabaing sa Bukid nin Sion, na dai nanggad matatanyog, kundi magdadanay sagkod lamang.

Salmo 13:5

Minasarig ako sa danay mong pagkamoot; mag-oogma an puso ko sa saimong kaligtasan.

Salmo 142:1

Minaagrangay ako sa Kagurangnan, nakikimaherak ako saiya tanganing tabangan.

Salmo 2:12

magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.

Salmo 36:7

Mahalaga, O Dios, an danay mong pagkamoot! An mga aki nin tawo minapaili sa lindong kan saimong mga pakpak.

Salmo 56:1

Maherak ka sako, O Dios, huli ta tinitimaktimakan ako kan mga kaiwal; bilog na aldaw ako saindang inaapi.

Salmo 58:1

Matanos daw an saindong mga pagboot, kamong mga dios-dios? Matanos daw an hatol na itinatao nindo sa katawohan?

Salmo 59:1

Ligtasan ako sa sakuyang mga kaiwal, O Dios ko; ingati ako sa mga minasalakay sako.

Salmo 61:4

Sagkod pa man tugotan mo akong mag-erok sa saimong santwaryo, ligtas sa lindong kan mga pakpak mo.

Salmo 63:7

huli ta ika an danay kong nagin tabang. Sa lindong nin saimong mga pakpak, nag-aawit ako sa kaogmahan.

Salmo 75:1

Nagpapasalamat kami saimo, O Dios, nagpapasalamat kami saimo! Inaapod mi an saimong ngaran, asin ibinabareta an mga gibo mong ngangalasan.

Salmo 9:10

An mga nakakamidbid saimo, Kagurangnan, magsasarig saimo; huli ta dai mo binabayaan an mga naghahanap saimo.

Salmo 91:1

An siisay man na magpaili sa Kagurangnan, asin magdanay sa pag-ingat kan Makakamhan,

Salmo 91:4

Tatahoban ka niya kan saiyang mga pakpak; magigin ligtas ka sa saiyang pangataman; iingatan ka asin susurogon kan saiyang kaimbodan.

Salmo 91:9

Huli ta ginibo mong pailihan an Kagurangnan, an Kahorohalangkawe an saimong erokan,

Isaias 10:25

Huli ta kadikit na sanang panahon asin matatapos na an pagpadusa saindo, dangan sinda an gagadanon ko.

Isaias 26:20

Lumaog kamo sa saindong mga harong, sakong banwaan, asin serahan nindo an mga pintoan. Magtrabaho kamo sa kadikit na panahon sagkod na matapos an kaanggotan nin Dios.

Isaias 50:10

Kamo gabos na may pagkatakot sa Kagurangnan asin nagkukuyog sa tataramon kan saiyang sorogoon, madiklom man an dalan na saindong linalakawan, alagad magsarig kamo sa Kagurangnan, maglaom kamo sa Dios.

Mateo 24:22

Kun dai ininaan nin Dios an mga aldaw na iyan, mayo nin makakaligtas; alagad iinaan iyan dahel sa mga tawong pinili niya.

Lukas 13:34

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki arog kan paglukob nin sarong gunakan sa saiyang mga siwo, alagad habo ka!

Juan 16:20

Sa katotoohan sinasabihan ko kamo, magtatangis kamo saka magmomondo, alagad an kinaban mag-oogma; magmomondo kamo, alagad mariribayan iyan nin kaogmahan.

Deuteronomio 9:26

Namibi ako, ‘O Kagurangnan Dios, hare pagtunawa an saimong sadiring banwaan na ilinigtas mo asin ilinuwas hale sa Egipto huli kan saimong dakulang kosog asin kapangyarihan.

Kapahayagan 21:4

Papahidon niya an gabos nindang luha. Mayo na nin kagadanan, kamondoan, pagtangis o kasakitan, huli ta napara na an mga daan na bagay.”

Kapahayagan 7:14

Sinimbag ko siya, “Dai ko aram; ika an nakakaaram.” Sinabihan niya ako, “Ini an mga tawong nakatagal sa makuring kasakitan. Linabahan ninda an saindang mga gubing asin pinaputi sa paagi kan dugo kan Kordero.

Ruth 2:12

Balosan ka logod nin Kagurangnan huli kan saimong ginibo. Magkaigwa ka logod kan maninigong kabayadan hale sa Kagurangnan, an Dios kan Israel, na dinolok mo tanganing magpaataman.”

1 Samuel 22:1

Nagdulag si David sa syudad nin Gat asin nagduman sa sarong lungib, harani sa banwa nin Adullam. Kan mabaretaan kan saiyang mga tugang na lalaki asin iba pang mga kadugo na idtoon siya duman, nagpasiring sinda saiya.

1 Samuel 24:3

Nakaabot siya sa sarong lungib harani sa nagkapirang laoman nin mga karnero sa may dalan; naglaog siya sa lungib tanganing magkasilyas. Kan panahon na idto, si David asin an saiyang mga kairiba yaon duman nagtatago sa pinakaporong parte kan lungib.

1 Samuel 24:4

Sinabihan si David kan saiyang mga tawohan, “Iyo na ini an oportunidad mo! Tinaraman ka baga nin Kagurangnan na itatao niya sa saimong kamot an saimong kaiwal asin magigibo mo saiya an boot mong gibohon.” Nagkamang si David pasiring ki Saul asin tuminabas nin sadit na pedaso sa gubing niya; dai nagmangno an hade.

1 Samuel 24:8

Sinunod siya ni David dangan inapod, “Mahal na Hade!” Nagsalingoy si Saul; nagdapa sa daga si David sa pagtaong galang.

1 Samuel 26:9

Alagad nagsabi si David, “Dai mo siya paggadanon! Papadusahan nanggad nin Kagurangnan an siisay man na gumadan sa hade na saiyang pinili.