Salmo 56:2 - Marahay na Bareta Biblia

² Bilog na aldaw ako saindang tinitimaktimakan; dakul an sakuyang mga kalaban.

Salmo 56:2 ပူးပေါင်းရင်းမြစ်များ

Salmo 3:1

Kadakul kan sakong mga kaiwal, Kagurangnan; dakul an minabangon tumang sako!

Salmo 35:1

Iwalon mo Kagurangnan, an mga nakikiiwal sako; labanan mo an mga nakikilaban sako.

Salmo 41:5

Maraot an pinagsasabi kan sakong mga kaiwal dapit sako! “Nuarin siya magagadan asin nuarin mapapara an saiyang ngaran?”

Salmo 54:5

Babalosan niya nin karatan an sakuyang mga kaiwal; huli ta siya maimbod, sinda saiyang tutunawon.

Salmo 57:3

Masimbag siya hale sa langit, asin ililigtas ako; sosopogon niya an mga nang-aapi sako. Ipapahiling nin Dios an danay niyang pagkamoot asin an saiyang pagkamaimbod.

Salmo 9:2

Huli saimo, mag-aawit ako sa kaogmahan. Mag-aawit ako nin pag-omaw saimo, O Dios na Makakamhan.

Salmo 91:1

An siisay man na magpaili sa Kagurangnan, asin magdanay sa pag-ingat kan Makakamhan,

Salmo 92:1

Marahay an pagpasalamat saimo, Kagurangnan, an pag-awit nin mga pag-omaw sa saimong ngaran, O Kahorohalangkaweng Dios,

Salmo 92:8

huli ta ika, Kagurangnan, an pinakahalangkaw sagkod lamang.

Salmo 93:4

Orog na makosog ki sa hagubohob nin mga katubigan, orog na makosog ki sa alon nin kadagatan, an Kagurangnan mapangyari sa kaitaasan.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Daniel 5:18

“An saimong ama na si Nebukadnezzar ginibong dakulang hade asin tinawan nin kamurawayan saka kamahalan kan Kahorohalangkaweng Dios.

Mikas 6:6

Ano an dadarahon ko sa Kagurangnan, an Dios nin langit, sa pagdolok ko tanganing sambahon siya? Magdadara daw ako kan pinakamarahay na mga ogbon na baka na tututongon bilang mga dolot saiya?

Kapahayagan 16:14

Sinda an mga espiritu kan mga demonyo na nagpapahiling nin mga milagro. Dinuduman kan tolong espiritung ini an gabos na hade sa bilog na kinaban tanganing tiponon sinda para sa gera pag-abot kan dakulang Aldaw kan Dios na Makakamhan.