Salmo 54:7 - Marahay na Bareta Biblia

⁷ Huli ta ilinigtas mo ako sa gabos kong kasakitan, asin nahiling ko an pagkadaog kan sakong mga kaiwal.

Salmo 54:7 ပူးပေါင်းရင်းမြစ်များ

Genesis 48:16

Bendisyonan logod an mga aking ini kan anghel na nagligtas sako sa gabos na maraot! Huli sa mga aking ini, mabuhay logod an sakong ngaran asin an ngaran kan sakong mga magurang na si Abraham asin si Isaac! Magkaigwa logod sinda nin dakul na aki, asin dakul na kapagarakian!”

2 Samuel 4:9

Nagsimbag si David sainda, “Isinusumpa ko sa ngaran kan buhay na Kagurangnan, na nagligtas sako sa gabos na pag-alaman,

Salmo 112:8

Dai siya nahahandal o natatakot; aram niyang madadaog an saiyang mga kaiwal.

Salmo 118:7

Kaapil ko an Kagurangnan tanganing tabangan ako; hihilingon ko an pagkadaog kan sakong mga kaiwal.

Salmo 143:12

Huli kan pagkamoot mo sako, tunawa an sakong mga kaiwal; huli ta ako sorogoon mo, gadana an sakong mga kalaban.

Salmo 34:19

Kadakul an tinitios kan matanos, alagad iliniligtas siya nin Kagurangnan sa mga iyan gabos.

Salmo 34:6

Minaapod an dukha, asin sinisimbag nin Kagurangnan; iliniligtas niya sa gabos na kasakitan.

Salmo 37:34

Maglaom sa Kagurangnan, asin kuyoga an saiyang kabotan; ilalangkaw ka niya huli sa pagtao saimo kan daga, asin mahihiling mo an pagkaronot kan tampalasan.

Salmo 59:10

Huli kan danay na pagkamoot nin Dios, ako saiyang raranihan; tutugotan niyang mahiling ko an pagkadaog kan mga kaiwal.

Salmo 91:8

Mahihiling mo asin mamamasdan kun paano pinapadusahan an tampalasan.

Salmo 92:11

Nahiling ko an pagkadaog kan sakong mga kaiwal asin nadangog ko an inagrangay kan mga maraot.

2 Timoteo 4:18

Ililigtas ako nin Kagurangnan sa gabos na maraot, asin dadarahon niya ako sa saiyang kamurawayan sa langit. Mapasaiya an kamurawayan sagkod lamang! Amen.

1 Samuel 26:24

Siring na pinahalagahan ko an saimong buhay ngunyan na aldaw, pahalagahan man logod nin Kagurangnan an sakong buhay; irayo niya logod ako sa gabos na karatan!”