Salmo 54:4 - Marahay na Bareta Biblia

⁴ Alagad an Dios iyo an sakuyang tabang; sakong parasurog an Kagurangnan.

Salmo 54:4 ပူးပေါင်းရင်းမြစ်များ

1 Mga Cronica 12:18

Dangan an Espiritu nin Dios uminabot ki Amasai, na nagin pamayo kan “An Treynta,” asin nagsabi ini, “Saimo kami, O David; asin kaiba mo kami, O aki ni Jesse! an Katoninongan mapasaimo, asin sa mga nagtatabang saimo! Huli ta tinabangan ka kan saimong Dios.” Inako sinda ni David asin ginibong mga opisyal kan saiyang hukbo.

Salmo 118:13

Sinalakay ninda ako asin saindang nadadaog, alagad tinabangan ako nin Kagurangnan.

Salmo 17:1

Hinanyoga, Kagurangnan, an sakong pakimaherak para sa katanosan; himatea an sakuyang inagrangay! Dangoga an sakong pamibi, na gikan sa ngoso na mayo nin daya.

Salmo 41:12

Tinatabangan mo ako, huli ta ginigibo ko an matanos; pinapadanay sa saimong atubang sagkod lamang.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 42:1

Nagsasabi an Kagurangnan, “Uya an sakong sorogoon, na sakong pinapakosog— an sakong pinili, an sakong nawiwilihan. Ibinugtak ko an sakong espiritu sa saiya, asin siya an matao nin hustisya sa gabos na nasyon.

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Hebreyo 13:6

Kaya makosog an boot na makakapagsabi kita, “Tatabangan ako kan Kagurangnan; dai ako matatakot. Ano an magigibo nin tawo tumang sako?”