Salmo 53:3 - Marahay na Bareta Biblia

³ Alagad gabos sinda nagtalikod, gabos nagin marompot; mayo nin naggibong matanos, mayo maski saro.

Salmo 53:3 ပူးပေါင်းရင်းမြစ်များ

2 Samuel 20:2

Kaya binayaan si David kan mga Israelita asin nag-iba ki Sheba, alagad padagos na nagin maimbod ki David an mga taga Juda; nagsunod sinda saiya poon sa Jordan sagkod sa Jerusalem.

An Libro ni Job 15:16

gurano pa daw an tawong makauuyam asin maraot, na minainom nin karatan siring sa pag-inom niya nin tubig!

Salmo 14:3

Gabos sinda nagsuhay sa dalan na matanos; gabos nagin maraot. Mayong natadang naggigibo nin tama, mayo, maski saro.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Sofonias 1:6

Pupuhoon ko an mga nagtalikod asin dai na nagsusunod sako; an mga dai na nagdodolok sako o nakikimaherak na giyahan ko sinda.”

Roma 3:12

Gabos sinda nagbaya sa Dios, gabos nagkasala. Mayong naggigibo nin marahay, mayo maski saro.

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.

1 Juan 2:29

Aram nindo na matanos si Cristo; kaya dapat nindong maaraman na an siisay man na naggigibo nin matanos aki nin Dios.

3 Juan 1:11

Namomotan kong Gayo, dai mo pag-arogon an maraot, kundi arogon mo an marahay. An siisay man na naggigibo nin marahay sadiri nin Dios; an siisay man na naggigibo nin maraot dai nakahiling sa Dios.

Kapahayagan 22:11

Pabayae sanang magpadagos sa gibong maraot an mga tawong maraot; sa gibong maati an mga maati; an marahay, magpadagos sa gibong marahay; asin an banal, sa gibong banal.”