Salmo 53:2 - Marahay na Bareta Biblia

² Hale sa langit minadungaw an Dios sa paghiling sa mga aki nin tawo, kun igwa sainda nin mga madonong, nin mga naghahanap sa Dios.

Salmo 53:2 ပူးပေါင်းရင်းမြစ်များ

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 19:3

Alagad maski siring, igwa man nin nakuang karahayan saimo, huli ta hinarale mo an mga simbolo ni Asera asin hiningowa mong magsunod sa kabotan nin Dios.”

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Salmo 10:4

An tawong tampalasan dai naghahanap sa Kagurangnan; an gabos niyang nasa isip, “Mayo nin Dios.”

Salmo 102:19

Duminungaw an Kagurangnan hale sa banal na lugar sa itaas; hale sa langit duminungaw siya sa daga,

Salmo 11:4

An Kagurangnan yaon sa saiyang banal na templo; yaon sa langit an saiyang trono. Minamasdan niya an mga tawo saen man na lugar asin aram niya an saindang ginigibo.

Salmo 111:10

An pagkatakot sa Kagurangnan iyo an kapinonan nin kadonongan; igwa nin marahay na pakasabot an mga naggigibo kaiyan. An saiyang kaomawan magdadanay sagkod pa man!

Salmo 27:8

Kan ika magtaram, “Madya, sambahon mo ako.” Nagsimbag an puso ko, “Kagurangnan, madolok ako.”

Isaias 55:6

Hanapa nindo an Kagurangnan mantang makukua siya, pag-apod kamo saiya mantang harani siya.

Jeremias 16:17

Nahihiling ko an gabos nindang ginigibo. Mayo nin natatago sako; an mga kasalan ninda dai makakalampas sa sakong panhiling.

Jeremias 23:24

Mayo nin siisay man na makakatago sa arin man na lugar na dai ko mahihiling. Dai nindo naaaraman na yaon ako maski saen na lugar sa langit saka sa daga?

Deuteronomio 4:6

Maimbod na otobon nindo iyan, asin iyan an magpapahiling sa ibang nasyon kan saindong kadonongan. Kun madangog ninda an mga togon na ini, masabi sinda, ‘Totoong madonong asin may pakasabot an banwaan na ini!’