Salmo 52:7 - Marahay na Bareta Biblia

⁷ “Hilinga an lalaki na habong gibohon an Dios bilang saiyang pailihan, kundi nagsarig sa kadakulan kan saiyang kayamanan, asin naglaom sa sadiring kasombikalan.”

Salmo 52:7 ပူးပေါင်းရင်းမြစ်များ

Mga Talinhaga 2:22

Alagad an mga tampalasan mawawara sa daga asin an mga madaya magagabot arog sa mga tinanom diyan.

Parahulit 8:8

Maski siisay mayo nin kapangyarihan sa pagpahalawig kan saiyang buhay o sa pagpanuodma kan aldaw nin saiyang kagadanan. Iyan sarong gera na dai ta madudulagan, maski gamitan pa nin daya.

Jeremias 17:5

Nagtataram an Kagurangnan, “Kokondenaron ko an tawong minatalikod sako asin minasarig sa saiyang kapwa, sa kosog nin sarong tawo na magagadanon.

Juan 19:5

Pakatapos, nagluwas si Jesus na nakokoronahan nin tonok saka nagugubingan nin purpura. Sinabihan sinda ni Pilato, “Uya an lalaki!”

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.

Hukom 5:27

Napaluhod si Sisera, natumba asin dai na naghiro sa pamitisan ni Jael; sa pamitisan ni Jael napaluhod si Sisera, natumba asin nagadan.