Salmo 52:5 - Marahay na Bareta Biblia

⁵ Alagad tutunawon ka nin Dios sagkod pa man; kukuahon ka niya asin hahaleon sa saimong erokan; gagaboton ka niya sa daga nin mga nabubuhay.

Salmo 52:5 ပူးပေါင်းရင်းမြစ်များ

An Libro ni Job 18:14

Hinale siya sa tolda na saiyang sinarigan, dangan dinara sa hade nin kahandalan.

Salmo 116:9

Kaya naglalakaw ako sa atubang nin Kagurangnan sa daga kan mga nabubuhay.

Salmo 27:13

Minatubod akong mahihiling ko an pagkamarahayon nin Kagurangnan sa daga nin mga nabubuhay.

Salmo 55:23

Alagad an mga paragadan asin mga madaya isusubol nin Dios sa saindang lulubngan, bago magkabangaan an mga aldaw nin saindang buhay. Alagad ika an sakong sasarigan.

Mga Talinhaga 12:19

Halipot an buhay kan kaputikan, alagad nabubuhay sagkod lamang an katotoohan.

Mga Talinhaga 19:5

Dai mangyayari na dai mapadusahan an putikon na saksi; an nagpuputik dai makakadulag.

Mga Talinhaga 19:9

An putikon na saksi papadusahan asin an nagpuputik mapapahamak.

Mga Talinhaga 2:22

Alagad an mga tampalasan mawawara sa daga asin an mga madaya magagabot arog sa mga tinanom diyan.

Isaias 22:19

Hahaleon ka nin Kagurangnan sa saimong katongdan asin ibababa ka niya sa halangkaw mong kamugtakan.”

Isaias 38:11

Naghona ako na sa daga na ini kan mga nabubuhay dai ko na nanggad mahihiling Kagurangnan o an siisay man na nabubuhay.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”