Salmo 52:3 - Marahay na Bareta Biblia

³ Orog na namomotan mo an karatan ki sa karahayan; asin an pagputik ki sa pagsabi nin katotoohan.

Salmo 52:3 ပူးပေါင်းရင်းမြစ်များ

Salmo 62:4

Boot sana nindong ibaba siya hale sa halangkaw niyang kamugtakan; ikinakaogma nindo an kaputikan. Nagbebendisyon kamo sa paagi kan saindong mga ngoso, alagad nagmamaldisyon sa saindong mga puso.

Mga Talinhaga 21:10

Danay na karatan na iniisip kan tampalasan; mayo siya nin pagkaherak sa kiisay man.

Jeremias 4:22

An Kagurangnan nagtataram, “Mangmang an sakong banwaan; dai ninda ako midbid. Garo sinda mga aking lolong; mayo sinda nin pakasabot. Eksperto sinda sa paggibo nin maraot alagad dai sinda tataong maggibo nin matanos.”

Jeremias 9:8

An saindang dila garo bosog nin pana na nakakagadan; danay sindang nagsasabi nin kaputikan. An lambang saro nagtataram nin magayon sa saiyang kanatad, alagad an totoo, nagbubugtak siya nin siod para saiya.

Mikas 3:2

alagad naoongisan nindo an matanos asin namomotan an karatan. Inaanitan nindo an sakong banwaan dangan hinahaklas an laman hale sa saindang mga tolang.

Juan 8:44

Mga aki kamo kan saindong ama, an Diablo; kun ano an boot niya iyo an ginigibo nindo. Paragadan siya poon pa sa kapinonan asin kaiwal niya an katotoohan, huli ta dai nanggad siya nagtataram kan katotoohan. Nasa naturalesa niya an pagputik huli ta putikon siya asin siya an ama nin kaputikan.

Roma 1:25

Tinalikodan ninda an katotoohan manongod sa Dios dangan nagtubod sinda sa kaputikan. Sinamba ninda saka pinaglingkodan an linalang, bako an Kaglalang na iyo an dapat omawon sagkod pa man! Amen.

2 Timoteo 3:4

sinda magigin parapasaluib, daing ingat, orgulyoso saka papaorogon ninda an kaogmahan sa kinaban ki sa Dios;

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.