Salmo 51:16 - Marahay na Bareta Biblia

¹⁶ Dai mo minamawot an mga sakripisyo; maski magdolot ako nin tinutong na atang, dai mo man mawiwilihan.

Salmo 51:16 ပူးပေါင်းရင်းမြစ်များ

2 Samuel 12:9

Tadaw ta sinuhay mo an sakong mga pagboot? Tadaw ta ginibo mo an karatan na ini? Ipinagadan mo sa ralaban si Urias na Heteo; pinabayaan mo siyang magadan kan mga Ammonita dangan kinua mo an saiyang agom!

Salmo 40:6

Mga sakripisyo saka atang dai mo minamawot; alagad ako tinatawan mo nin pakadangog. Dai mo hinahagad an tinutong na atang, ni an dolot para sa kasalan.

Salmo 50:8

Dai taka tinutuyaw huli kan saimong mga sakripisyo, asin mga tinutong na atang na danay mong dinadara sako.

Salmo 51:6

Mawot mo an katotoohan sa lambang linalang, kaya panoa ako nin kadonongan.

Salmo 71:15

Ipapahayag kan sakong ngoso an saimong karahayan; an saimong kaligtasan sa bilog na aldaw, maski ngani iyan dipisil kong masabotan.

Exodo 21:14

Alagad kun tinuyong salakayon an sarong tawo tanganing pasaluib na gadanon, an nakagadan kuahon nindo dangan gadanon maski nakatago na siya sa sakong altar.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mga Talinhaga 21:27

Ikinakauyam nin Kagurangnan an sakripisyo kan tampalasan, orog na kun an katuyohan kaini maraot.

Jeremias 7:27

“Kaya, Jeremias, sasabihon mo an gabos na tataramon na ini sa sakong banwaan, alagad dai sinda mahinanyog saimo. Aapodon mo sinda alagad dai sinda masimbag.

Oseas 6:6

Mawot ko an danay nindong pagkamoot, bakong an isinasakripisyo nindong mga hayop. Mas boot ko pang mamidbidan ako kan sakong banwaan ki sa magtutong sinda nin mga atang para sako.

Mga Bilang 15:27

Kun an sarong tawo dai tuyong magkasala, madolot siya nin sarong babaeng kanding na sangtaon an edad bilang dolot para sa kasalan.

Mga Bilang 35:31

Kaipuhan gadanon an sarong kriminal. Dai siya pwedeng tuboson nin kwarta.

Deuteronomio 22:22

“Kun madakop an sarong lalaki na nakikidorog sa agom nin iba, gagadanon sindang duwa. Sa siring na paagi, mahahale saindo an karatan na ini.

1 Samuel 15:22

Nagsabi si Samuel, “Orog daw na naoogma an Kagurangnan sa mga tinutong na atang asin mga dolot, ki sa pagkuyog kan saiyang pagboot? Tara, an pagkuyog mas marahay ki sa dolot, asin an paghinanyog mas marahay ki sa taba nin mga karnero.