Salmo 51:10 - Marahay na Bareta Biblia

¹⁰ Pusong malinig lalanga sako, O Dios, sarong bago asin maimbod na espiritu ibugtak mo sako.

Salmo 51:10 ပူးပေါင်းရင်းမြစ်များ

Salmo 24:4

An tawong malinig an mga kamot asin mabini an puso, an dai nagsasamba sa mga dios-dios, an dai naggigibo nin putik na panuga.

Salmo 35:10

Masarabi an sakong mga tolang, “Siisay an makakaarog saimo, Kagurangnan? Iliniligtas mo an mga maluya, sa mga mas makosog sainda; an mga dukha, sa nang-aapi sainda.”

Salmo 73:1

Marahayon nanggad an Dios sa mga matanos, sa mga tawong malinig an puso.

Salmo 78:37

An saindang puso bakong dayupot sa saiya; bako sindang maimbod sa saiyang tipan.

Salmo 78:8

asin tanganing dai sinda makaarog sa saindang mga ginikanan, na sarong matumang asin bakong makinuyog na banwaan; banwaan na bakong masarig an pagtubod sa Dios asin dai nagdanay na maimbod sa saiya.

Mga Talinhaga 20:9

Siisay an makakasabi na malinig an saiyang puso, asin mayo siya nin kasalan?

Jeremias 13:27

Nahiling niya na ginigibo mo an mga bagay na kinakaongisan niya. Nahiling niya na nagduduman ka sa kabubuldan asin sa kaomahan sa pagsunod sa mga paganong dios-dios, arog sa sarong lalaki na nagmamawot sa agom kan saiyang kapwa, patin arog sa sarong lalaking kabayo na naghihirihiri kun nahihiling an babaeng kabayo. Herak man saimo, Jerusalem! Nuarin ka magigin malinig nanggad?

Jeremias 32:39

Itatao ko sainda an sarong katuyohan sa buhay, an omawon ako sa gabos na panahon para sa sadiri nindang karahayan asin sa karahayan kan saindang mga kapagarakian.

Ezekiel 11:19

Tatawan ko sinda nin bagong puso asin espiritu. Hahaleon ko sa sainda an sutil na pusong gapo asin riribayan ko iyan nin makinuyog na pusong laman.

Ezekiel 18:31

Bayaan nindo an gabos na kasalan na naginibo nindo tumang sako, asin magkua kamo para saindo nin bagong puso saka bagong espiritu! Kamong mga Israelita, tadaw ta boot nindong magadan?

Ezekiel 36:37

Ini an itinataram nin Kagurangnan Dios, “An mga Israelita tutugotan ko giraray na maghagad sako nin tabang, asin papadakulon ko sinda sa bilang arog sa sarong ariponpon nin mga karnero.

Mateo 5:8

“Paladan an mga malinig an puso, huli ta mahihiling ninda an Dios!

Mga Gibo 11:23

Pag-abot ni Bernabe duman, naogma siya nin marahay kan mahiling niya na kanigoan an bendisyon na itinao nin Dios sa mga tawo. Sinadol niya sinda gabos na magdanay na maimbod sa Kagurangnan.

Mga Gibo 15:9

Mayo siyang pinalaen, Judio o bako; lininigan niya an saindang mga puso huli sa pagtubod ninda ki Jesu-Cristo.

Roma 12:2

Dai kamo makibagay sa kinaban na ini, kundi bayaan nindong bagohon kamo nin Dios huli sa pagbago kan saindong isip, tanganing mapatotoohan nindo kun ano an marahay, an maaako asin an mayong kakulangan na kabotan nin Dios.

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.

2 Corinto 5:17

An siisay man na yaon ki Cristo, saro nang bagong linalang; an daan nakalihis na, an bago nagdatong na.

Efeso 2:10

Linalang kita nin Dios. Sa pakisumaro ta ki Cristo linalang kita para sa mga gibong karahayan na dati na niyang inandam tanganing gibohon ta.

Colosas 3:10

dangan naggubing na kamo nin bagong pagkatawo na danay na binabago kan Dios na Kaglalang sosog sa sadiri niyang ladawan tanganing orog na mamidbidan nindo siya.

Tito 3:5

ilinigtas niya kita, bakong huli sa anoman na gibo tang matanos, kundi huli kan saiyang pagkaherak. Ilinigtas niya kita sa paagi kan paghugas sato kan tubig nin bagong pagkamundag asin bagong buhay sa Espiritu Santo.

Santiago 1:8

huli ta an saiyang isip liwat-liwat dangan dai niya aram kun ano talaga an boot niya.

Josue 14:14

An Hebron sadiri ngunyan kan mga kapagarakian ni Caleb na aki ni Jefunne na Keneceo, huli ta maimbod siyang nagkuyog sa Kagurangnan, an Dios nin Israel.

1 Pedro 1:22

Ngunyan na malinig na an saindong buhay huli sa pagkuyog kan katotoohan, dangan igwa na kamo nin tunay na pagkamoot sa kapwa nindo mga paratubod, magkaminorootan kamo nin tudok sa puso.