Salmo 5:5 - Marahay na Bareta Biblia

⁵ Mga mapaabaw-abaw saimong ikinakauyam, naoongis ka sa mga paragibong karatan.

Salmo 5:5 ပူးပေါင်းရင်းမြစ်များ

Salmo 1:5

Kaya an mga maraot dai makakatindog sa paghukom, ni an mga parakasala sa katiriponan kan mga matanos;

Salmo 10:3

Huli ta ipinaghahambog kan maraot an mga kamawotan nin saiyang puso; minamaldisyon asin tinatalikdan an Kagurangnan kan tawong paslo.

Salmo 11:5

Binabalo nin Kagurangnan an matanos asin an maraot; anggot siya sa mga namomoot sa dahas.

Salmo 130:3

Kagurangnan, kun itinala mo an mga kasalan, siisay an matagal, Kagurangnan?

Salmo 14:1

An lolong nagsasabi sa saiyang puso, “Mayo man nin Dios!” Sinda gabos marompot asin naggigibo nin mga maraot, mayong natada maski saro na naggigibo nin matanos.

Salmo 73:3

huli ta naara ako sa mga mapaabaw-abaw, kan mahiling ko an kauswagan kan tampalasan.

Salmo 75:4

Tinataraman ko an mga mapaabaw-abaw na dai maghambog;

Salmo 92:6

An sarong mangmang dai kaini makakasabot; an sarong patal dai man kaini makakasabot,

Salmo 94:8

Pakasabota nindo, mga tawong patal! Mga lolong, nuarin nindo masasabotan?

Mga Talinhaga 1:22

“O mga lolong, kontento na daw kamo sa saindong pagkalolong? Sagkod nuarin nindo pag-oolog-ologon an pakaaram? Dai pa nanggad kamo nakakanood?

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 15:9

Ikinakauyam nin Kagurangnan an pamumuhay kan maraot, alagad namomotan niya an naggigibo nin matanos.

Mga Talinhaga 8:5

Kamong mga mangmang, saboton nindo an marahay na hatol; kamong mga lolong, adalan nindo an marahay na kaisipan.

Parahulit 5:4

Kaya kun minagibo ka nin panuga sa Dios, otobon mo iyan tolos; huli ta dai niya nawiwilihan an mga lolong. Otoba an ipinanuga mong gigibohon.

Oseas 9:15

Nagsasabi an Kagurangnan, “Nagpoon an mga maraot nindang gibo sa Gilgal. Duman nagpoon an pagkaongis ko sainda. Huli kan maraot na ginibo ninda, papahaleon ko sinda sa sakong daga, asin dai ko na sinda mamomotan; nagrebelde laban sako an gabos nindang lider.

Levitico 20:23

Dai nindo pag-arogon an mga kaugalean kan mga nag-eerok duman; isinusuka ko sinda, tanganing makalaog kamo sa saindang daga. Naggibo sinda nin mga karigsokan, kaya nauyam ako sainda.

Habakkuk 1:13

Alagad paano mo natatagalan an mga mapasaluib saka maraot na lalaking ini? An saimong mga mata banal nin marahay kaya habo mong maghiling kan karatan, asin dai mo matatagalan na hilingon an mga tawong naggigibo nin maraot. Kaya tano ta mayo kang girong mantang ginagadan ninda an mga tawong orog pang matanos ki sa sainda?

Zacarias 11:8

Nauyam ako sa tolo pang pastor, na naoongis sako, asin ginadan ko sinda sa laog nin saro sanang bulan.

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Mateo 7:23

Dangan sisimbagon ko sinda, ‘Dai ko nanggad kamo midbid. Rumayo kamo sako, mga paragibo nin maraot!’