Salmo 5:3 - Marahay na Bareta Biblia

³ pagkaaga dinadangog mo an sakong tingog. Pagkaaga dolot ko saimo an sarong atang, dangan minahalat kan saimong kasimbagan.

Salmo 5:3 ပူးပေါင်းရင်းမြစ်များ

An Libro ni Job 34:28

Sinda an nagin dahelan kan pag-agrangay sa Dios kan mga dukha, asin nadangog niya an inagrangay kan mga nasasakitan.

Salmo 119:147

Bago mag-alagaag an kaagahon, minaagrangay ako saimo; naglalaom ako sa saimong panuga.

Salmo 130:2

Kagurangnan, dangoga an sakong tingog! Hinanyoga an sakong mga pakimaherak!

Salmo 130:6

Naghahalat ako sa Kagurangnan, orog pa sa mga bantay na naghahalat kan kaagahon, kan mga bantay na naghahalat kan kaagahon.

Salmo 145:1

Oomawon taka, sakuyang Dios asin hade; magpapasalamat ako saimo sagkod pa man.

Salmo 22:2

Dios ko, kun aldaw ika sakong inaapod, alagad dai ka nagsisimbag; kun banggi ika man sakong inaapodan, alagad mayong nakukuang katoninongan.

Salmo 44:5

Huli saimo nadadaog mi an mga kaiwal, natitimaktimakan mi sinda huli kan saimong ngaran.

Salmo 55:17

Aga, odto saka banggi ako minareklamo saka minaagrangay, asin dadangogon niya an sakuyang tingog.

Salmo 69:16

Simbaga ako, Kagurangnan, huli ta marahayon an danay mong pagkamoot; lilingya ako huli kan dakula mong pagkaherak.

Salmo 74:12

Alagad poon kaidto ika na an samuyang Hade, O Dios; dakul nang beses mo kaming ilinigtas.

Salmo 84:4

Paladan an mga nag-eerok sa saimong harong; danay na inaawit ninda an saimong kaomawan.

Salmo 88:13

Alagad, Kagurangnan, minaagrangay ako saimo; aga-aga namimibi ako saimo.

Isaias 26:9

Sa bilog kong puso, hinihidaw taka pagkabanggi; sa saimong paghukom sa daga asin sa mga tawo diyan, an hustisya saindang manonodan.

Mga Panambitan 3:56

Nadangog mo kan ako makimaherak na hinanyogon mo an sakong inagrangay.

Markos 1:35

Kan sunod na aldaw, haloy pa bago magsirang an aldaw, nagbangon na si Jesus dangan naghale sa harong. Nagpasiring siya sa lugar na mayong tawo dangan namibi duman.