Salmo 5:11 - Marahay na Bareta Biblia

¹¹ Alagad mag-ogma logod an mga minapasurog saimo; danay na mag-awit sa kaogmahan. Suroga sinda na mga namomoot saimo, tanganing mag-ogma sinda sa saimo.

Salmo 5:11 ပူးပေါင်းရင်းမြစ်များ

An Libro ni Job 38:7

Kan kaagahon kan aldaw na idto, sarabay na nag-awit an mga bitoon, asin nagkurahaw sa kaogmahan an langitnon na mga linalang.

Salmo 2:12

magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.

Salmo 35:27

Tugotan mong magkurahaw sa kaogmahan an mga nagmamawot kan sakong kaligtasan, asin nagpapahayag sagkod pa man, “Dakula an Kagurangnan, na nawiwili sa kauswagan kan saiyang oripon!”

Salmo 40:16

Alagad mag-ogma logod saka maggayagaya an gabos na naghahanap saimo. An mga nagpapahalaga kan saimong kaligtasan danay logod na magsabi, “Dakula an Kagurangnan!”

Salmo 58:10

An matanos mag-oogma kun mahiling niya an pagpadusa sa makasalan; mahanaw siya kan saiyang mga bitis sa dugo kan tampalasan.

Salmo 65:13

Natatahoban nin mga karnero an kaomahan; napapano nin trigo an mga kapantayan. An gabos nagkukurahaw asin nag-aawit sa kaogmahan.

Salmo 68:3

Alagad mag-orogma logod an mga matanos; magkururahaw logod sinda sa kaogmahan sa atubang nin Dios!

Salmo 69:36

na magigin pamana kan kapagarakian nin saiyang mga sorogoon, asin erokan kan mga namomoot sa saiyang ngaran.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Roma 8:28

Aram ta na sa gabos na bagay an Dios naggigibo para sa karahayan kan mga namomoot saiya—an mga inaapod niya sosog sa saiyang katuyohan.

1 Corinto 2:9

Alagad siring sa nasusurat, “An dai pa lamang nahiling o nadangog nin tawo, an dai pa lamang naisip kan tawo na pwedeng mangyari, iyo an inandam nin Dios para sa mga namomoot saiya.”

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

Santiago 2:5

Paghinanyog kamo, mga namomotan kong tugang! Pinili nin Dios an mga dukha kaining kinaban na magin mayaman sa pagtubod saka paramana kan kahadean na ipinanuga niya sa mga namomoot saiya.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Hukom 5:31

Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.