Salmo 5:10 - Marahay na Bareta Biblia

¹⁰ Padusahan mo sinda, O Dios, huli kan saindang kasalan. Huli kan saindang mga plano, logod sinda mapukan. Pahalea sinda sa saimong atubang, huli ta sinda nagkasala saka nagtumang saimo.

Salmo 5:10 ပူးပေါင်းရင်းမြစ်များ

2 Samuel 15:31

Kan maosipan si David na uminiba si Ahitofel sa pagrebelde ni Absalom, namibi siya, “O Kagurangnan, namimibi ako saimo na mamugtak logod sa kalolongan an mga hatol ni Ahitofel!”

2 Samuel 17:14

Nagsabi si Absalom asin an gabos na Israelita, “Mas marahay an hatol ni Husai ki sa hatol ni Ahitofel.” Pinangyari nin Kagurangnan na dai pagsunodon an marahay na hatol ni Ahitofel, tanganing kapahamakan an mag-abot ki Absalom.

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

Esther 7:10

Kaya binitay ninda si Haman sa bitayan na inandam niya para ki Mardokeo. Dangan napara an kaanggotan kan hade.

Salmo 10:15

Baria an takyag kan maraot saka parakasala; padusahan mo sagkod na dai na sinda maggibo kaiyan.

Salmo 107:11

dahel sa dai pagkuyog sa mga pagboot nin Dios, asin pagsikwal kan mga hatol nin Kahorohalangkawe.

Salmo 17:13

Madya, Kagurangnan, atubanga asin daoga sinda! Sa mga maraot ligtasan ako kan saimong espada;

Salmo 31:18

An ngoso kan mga putikon saimong serahan, ta sa kaanggotan asin sa kapaabaw-abawan, tumang sa matanos sinda nagtataram.

Salmo 35:26

Magkasoropog logod asin magkarilibong an mga nag-oogma sa sakong kasakitan. Mapano logod nin sopog asin disonra an mga mapaabaw-abaw sa sakong atubang.

Salmo 55:15

An kagadanan dumatong logod sa mga kaiwal; sa Sheol buhay pa sindang makaduman, huli ta yaon sa saindang mga harong an karatan, sa saindang mga puso siring man.

Salmo 66:7

Naghahade siya huli kan saiyang kosog sagkod lamang asin an gabos na nasyon saiyang binabantayan— dai magpaabaw-abaw an mga masombikal.

Salmo 71:13

Mapasopog logod asin madaog an minasalakay sako; magkasoropog saka mawaran nin dangog an mga boot magkulog sako.

Salmo 79:12

An ibang nasyon makapitong beses mong padusahan, huli kan pagtuyatuya ninda saimo, Kagurangnan.

Isaias 1:2

Pagdangog, O kalangitan, asin paghinanyog, O daga; huli ta nagtaram an Kagurangnan, “Nagpadakula ako nin mga aking lalaki, alagad nagrebelde sinda tumang sako.

Isaias 1:20

Alagad kun maghabo ka asin magrebelde, an espada an magadan saimo, huli ta ako, an Kagurangnan, an nagtaram.”

Isaias 63:10

alagad nagrebelde sinda tumang saiya asin pinamondo ninda an saiyang espiritu. Kaya nagin kaiwal ninda an Kagurangnan asin linabanan niya sinda.

Mga Panambitan 1:5

Mga kaiwal an nagsakop saiya, nagin mauswag an mga kalaban niya; pinasakitan siya nin Kagurangnan huli kan dakul niyang mga kasalan. Nagharale an saiyang kaakian, binihag kan mga kaiwal.

Daniel 9:5

“Nagkasala kami, nagin maraot, naggibo kan sala. Isinikwal mi an ipinapagibo mo samo asin tinalikodan mi an ipinahiling mong tama.

Daniel 9:9

Nasa Kagurangnan an pagkaherak asin pagpatawad huli ta nagtumang kami saiya.

Oseas 9:7

Nag-abot na an panahon nin pagpadusa, an panahon na maako an mga tawo kan maninigo sainda. Kun mangyari na iyan, maaaraman iyan kan mga Israelita! Nagsasabi kamo, “Lolong an propetang ini. Bua an tawong ini na pinasabongan nin espiritu.” Anggot kamo sako huli ta dakulang marahay an saindong kasalan.

1 Corinto 3:19

Huli ta an kadonongan kan kinaban na ini, kalolongan para sa Dios. Siring sa nasusurat, “Sinisiod nin Dios an mga madonong na tawo sa sadiri nindang katusohan.”

Deuteronomio 2:30

“Alagad dai kita tinugotan ni Sihon na hade nin Hesbon. Pinatagas nin Dios an saiyang puso tanganing madaog ta siya asin makua an saiyang daga, na sakop ta sagkod ngunyan.

1 Samuel 25:29

Kun igwang magsalakay saimo asin magmawot na gadanon ka, an Kagurangnan na saimong Dios an maataman saimo, arog kan pag-ataman nin sarong tawo sa sarong mahalagang bagay. Alagad saiyang itatapok an saimong mga kaiwal, siring sa mga gapo na ilinalagpitaw nin sarong tawo.

1 Samuel 25:39

Kan mabaretaan ni David na gadan na si Nabal, nagsabi siya, “Pag-omawon an Kagurangnan! Siya an nagbalos ki Nabal huli kan pag-insulto niya sako asin ilinikay ako nin Kagurangnan sa pagkasala. Pinadusahan nin Kagurangnan si Nabal huli kan karatan na ginibo niya.” Dangan nagpatogon si David ki Abigail na boot niya ining magin agom.