Salmo 48:9 - Marahay na Bareta Biblia

⁹ O Dios, an danay mong pagkamoot hinohorophorop mi sa laog kan saimong Templo.

Salmo 48:9 ပူးပေါင်းရင်းမြစ်များ

1 Mga Hade 10:6

Nagsabi siya sa hade, “Totoo an baretang nadangog ko sa sadiri kong daga manongod sa mga gibo mo asin sa saimong kadonongan.

1 Mga Hade 10:7

Alagad dai ako nagtubod kan mga bareta sagkod na nagdigdi ako asin nahiling kan sadiri kong mga mata. Alagad kabanga sana kan bareta an nadangog ko; an saimong kadonongan asin kayamanan orog nin marahay ki sa ibinareta sako.

Salmo 104:34

Mawilihan niya logod an sakong awit, huli ta yaon saiya an sakong kaogmahan.

Salmo 26:3

An danay mong pagkamoot nahihiling ko; ako naglalakaw na maimbod saimo.

Salmo 40:10

An bareta nin kaligtasan dai ko tinago para sa sako lamang; ibinareta ko an saimong pagkamaimbod asin kaligtasan! Dai ko tinago sa katiriponan an danay mong pagkamoot asin pagkamaimbod.

Salmo 87:5

Sasabihon manongod sa Sion na kaayon digdi an gabos na nasyon, asin papakosogon siya nin Kahorohalangkawe.

Awit nin mga Awit 1:4

Ibahan ako, asin madulag kita; ika an sakong magigin hade asin daraha ako sa saimong kwarto. Magigin maogma kitang duwa, mainom nin dakul, asin mag-oogma sa satong pagkamoot. Kaya bakong makangangalas na namomotan ka kan gabos na babae!

Isaias 26:8

Sinusunod mi an saimong kabotan asin naglalaom kami saimo; ika an bilog ming kamawotan.

Jeremias 31:40

Magigin banal sako an bilog na kapantayan na pinaglulubongan kan mga gadan saka pinagtatapokan kan mga ati, asin an gabos na oma sa itaas kan Sapa nin Kidron sagkod sa Trangkahan nin Kabayo sa parteng sirangan. Dai na nanggad magagaba o masasakop nin siisay man an syudad na ini.”