Salmo 47:1 - Marahay na Bareta Biblia

¹ Gabos na banwaan, magparakpak kamo sa kaogmahan! Ikurahaw nindo sa Dios mga awit nin kaogmahan!

Salmo 47:1 ပူးပေါင်းရင်းမြစ်များ

2 Samuel 6:15

Sa siring na paagi, an Kaban nin Tipan dinara sa Jerusalem ni David asin kan bilog na Israel na nagkukurahaw sa kaogmahan asin nagpapatanog kan mga trompeta.

2 Mga Hade 11:12

Dangan ilinuwas ni Jehoiada si Joas, kinoronahan, saka tinawan kan kopya kan katogonan nin paghahade. Ginibo nindang hade si Joas; asin linahidan ini nin lana. Dangan nag-oropak an mga tawo saka nagkururahaw, “Mabuhay an hade!”

2 Mga Cronica 13:15

Dangan nagkurahaw nin pagsalakay an mga taga Juda, sa pamamayo ni Abias. Dinaog nin Dios si Jeroboam saka an mga soldados na Israelita.

Salmo 106:47

Ligtasan kami, Kagurangnan nyamong Dios, asin tipona kami hale sa mga nasyon, tanganing pasalamatan mi an saimong banal na ngaran saka magmuraway sa saimong kaomawan.

Salmo 42:1

Siring sa usa na hinihidaw an tubig na nagbubulos, an sakong kalag napupungaw saimo, O sakuyang Dios.

Salmo 46:1

An Dios satong pailihan asin kosog, danay na andam sa pagtabang sa panahon nin kasakitan.

Salmo 47:5

An Dios suminakat kaiba an kinurahaw, an Kagurangnan kaiba an tanog nin trompeta.

Salmo 98:4

Gabos na daga maogmang magkurahaw sa Kagurangnan; omawon siya sa mga awit asin sa mga kurahaw nin kaogmahan!

Salmo 98:8

Pumarakpak an mga katubigan; sabay na mag-arawit sa kaogmahan an kabubuldan sa atubang nin Kagurangnan,

Isaias 55:12

“May kaogmahan kamong mahale sa Babilon; matoninong kamong papangenotan paluwas sa syudad. Mag-aarawit an kabukidan saka an kabubuldan, asin magkukurahaw an mga kahoy sa kaogmahan.

Jeremias 31:7

Nagsasabi an Kagurangnan, “Mag-awit kamo sa kaogmahan para sa Israel, an pinakadakula sa mga nasyon. Mag-awit kamo kan awit nin pag-omaw, ‘Ilinigtas nin Kagurangnan an saiyang banwaan, an mga natada sa Israel.’

Sofonias 3:14

Pag-awit asin pagkurahaw sa kaogmahan, banwaan nin Israel! Pag-ogma sa bilog mong puso, O Jerusalem!

Zacarias 4:7

Magin arog man sa bukid kadakula an olang sa atubangan mo, mawawara iyan. Ika an mapatindog giraray kan Templo, asin mantang ipinapamugtak mo an huring gapo, makurahaw an mga tawo nin, ‘Magayon, magayon!’”

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

1 Samuel 10:24

Sinabihan ni Samuel an mga tawo, “Uya an lalaking pinili nin Kagurangnan! Mayo nin siisay man sato na makakaarog saiya.” Dangan nagkurahaw an gabos na tawo, “Mabuhay an hade!”