Salmo 45:3 - Marahay na Bareta Biblia

³ Ihagkos mo an saimong espada, O mapangyaring hade; mamuraway ka asin mapangyari.

Salmo 45:3 ပူးပေါင်းရင်းမြစ်များ

An Libro ni Job 1:16

Dai pa nakakatapos pagtaram an sorogoon, kan saro pang sorogoon an nag-abot dangan nagsabi, “Tinamaan kan kikilat an mga karnero saka an mga pastor; nagkagaradan sinda gabos. Ako sana an nakadulag tanganing magbareta saimo.”

Salmo 104:1

Kalag ko, mag-omaw ka sa Kagurangnan! O Kagurangnan na sakong Dios, ika tunay na dakula! Nagugubingan ka nin kamurawayan asin kamahalan;

Salmo 145:12

nganing an lambang saro makaaram kan saimong mga gibo, asin kan kamurawayan kan kahadean mo.

Salmo 145:5

Ibabareta ninda an kamurawayan asin kamahalan mo; mga gibo mong ngangalasan hohorophoropon ko.

Salmo 21:5

Dakula an saiyang kamurawayan huli kan saimong tabang; tinawan mo siya nin kabantogan saka kapangyarihan.

Salmo 21:7

An hade nagsasarig sa Kagurangnan; huli kan danay na pagkamoot nin Kagurangnan, dai siya matatanyog.

Salmo 96:6

Omaw asin kamahalan yaon sa saiyang atubang; kosog asin gayon yaon sa saiyang santwaryo.

Awit nin mga Awit 2:3

Siring sa kahoy na mansanas sa tahaw kan kakahoyan sa kadlagan, an sakong namomotan sa tahaw kan ibang kalalakihan. Boot kong danay na magtukaw sa lindong kaiyan, asin mahamis sa sakong pagnamit an bunga kaiyan.

Awit nin mga Awit 5:13

An saiyang mga pisngi magayon arog sa sarong tatamnan na nagwawarak nin mga pahamot. Siring sa mga lirio an saiyang mga ngabil, na dumog nin mira.

Isaias 49:2

Ginibo niyang matarom siring sa espada an sakong mga tataramon. Sa lindong kan saiyang kamot iningatan niya ako. Ginibo niya ako siring sa sarong bosog, na mapanas asin andam na gamiton.

Mga Gibo 10:36

Aram nindo an mensahe na ipinadara niya sa mga Israelita, na ipinapahayag an Marahay na Bareta nin katoninongan sa paagi ni Jesu-Cristo, na Kagurangnan nin gabos na tawo.

Roma 14:9

Huli ta si Cristo nagadan asin nabuhay liwat tanganing magin Kagurangnan kan mga buhay saka kan mga gadan.

Hebreyo 1:3

Nasasalming saiya an kamurawayan nin Dios; siya an tunay na ladawan kan saiyang pagka-Dios. Iniingatan niya an gabos sa paagi kan mapangyari niyang tataramon. Pakalinigi niya kan mga tawo kan saindang mga kasalan, nagtukaw siya duman sa langit sa too nin Dios, an Pinakamapangyari sa gabos.

Hebreyo 4:12

An tataramon nin Dios buhay saka mapangyari, mas matarom ki kan arin man na espada na doble an tarom. Minalagbas iyan sa sugponan kan kalag saka espiritu, sa sugponan kan ngalongaloan saka hutok nin tolang. Naaaraman kaiyan an kaisipan asin kamawotan nin tawo.

Hebreyo 8:1

An bilog na kahulogan kan samong pinagtataram iyo ini: igwa kita nin arog kaiyan na Halangkaw na Padi, na nagtutukaw sa too kan trono kan Hade sa langit.

Judas 1:25

sa iyo sanang Dios na satong Paraligtas huli ki Jesu-Cristo na satong Kagurangnan, mapasaiya an kamurawayan, kamahalan, kapangyarihan saka an awtoridad, bago an gabos na panahon, ngunyan asin sagkod pa man! Amen.

Kapahayagan 1:16

May kapot siyang pitong bitoon sa too niyang kamot, dangan sa saiyang ngoso may nagluwas na sarong espadang doble an tarom. An saiyang lalawogon nagkikintab arog kan liwanag nin aldaw kun odto.

Kapahayagan 19:15

Nagluwas sa saiyang ngoso an sarong matarom na espada na iyo an gagamiton niya sa pagdaog kan mga nasyon. Magsasakop siya sainda na may kapot na pamakol na lansang, dangan papaluwason niya sa gilingan nin ubas an arak kan makangingirhat na kaanggotan nin Dios na Makakamhan.

Kapahayagan 19:21

An saindang mga hukbo nagkagaradan sa espadang nagluwas sa ngoso kan nangangabayo; an gabos na gamgam nagpahinggustong magtuka kan laman kan nagkagaradan.

Hukom 3:16

Guminibo si Ehud nin sarong espadang duwa an tarom na mga singkwenta sentimetro an laba, asin iginakod niya iyan sa too niyang tabay, sa irarom kan saiyang gubing.