Salmo 45:1 - Marahay na Bareta Biblia

¹ Pano nin magagayon na tataramon, an sakong isip, mantang ginigibo ko an awit na ini para sa hade. Siring sa pluma nin sarong marahay na parasurat, an sakong dila andam sa pagsabi nin sarong tula.

Salmo 45:1 ပူးပေါင်းရင်းမြစ်များ

2 Samuel 23:2

An espiritu nin Kagurangnan nagtataram sa paagi ko; an saiyang mensahe yaon sa sakong ngoso.

Esdras 7:6

Si Esdras sarong madonong sa Katogonan na itinao ki Moises kan Kagurangnan, an Dios nin Israel. Huli ta benendisyonan si Esdras nin Kagurangnan na saiyang Dios, tinawan siya kan hade kan anoman na hinagad niya. Kan ikapitong taon kan pamamayo ni Artajerjes, naghale si Esdras sa Babilonia dangan nagpasiring sa Jerusalem, kaiba an sarong grupo nin mga Israelita na an iba mga padi, an iba mga Levita, mga paratugtog sa Templo, mga bantay, asin mga sorogoon sa Templo.

An Libro ni Job 33:3

Tudok sa sakong puso an gabos kong tataramon, asin nagsasabi ako kan katotoohan.

An Libro ni Job 34:4

Pilion ta an matanos; kita an magsabi kun ano an marahay.

Salmo 2:6

Nagtaram siya, “Ibinugtak ko an sakong hade sa Sion, an banal kong bulod.”

Salmo 42:1

Siring sa usa na hinihidaw an tubig na nagbubulos, an sakong kalag napupungaw saimo, O sakuyang Dios.

Salmo 49:3

An ngoso ko magtataram nin kadonongan; an puso ko maghohorophorop nin pakasabot.

Salmo 69:1

Ligtasan ako, O Dios! Huli ta an tubig nakakaabot na sa sakuyang liog.

Salmo 80:1

Dangoga kami, O Pastor nin Israel; himatea kami, ika na pamayo kan saimong mga karnero. Ika na nakatukaw sa trono sa ibabaw kan mga kerubin,

Mga Talinhaga 16:23

An madonong minaisip ngona bago magtaram, kaya orog na nakakadagka an saiyang mga tataramon.

Awit nin mga Awit 1:12

Mantang naghihigda an sakong hade sa saiyang higdaan, napano kan sakong pahamot an palibot.

Isaias 5:1

Pagdangog mantang inaawit ko an awit na ini, sarong awit manongod sa sakong katood asin sa saiyang ubasan: Igwang ubasan an sakong katood sa sarong matubang na bulod.

Mateo 12:35

An marahay na tawo, marahay man an gibo huli ta pano nin karahayan an saiyang puso; an maraot na tawo, maraot man an gibo huli ta pano nin karatan an saiyang puso.

Mateo 25:34

Dangan masabi an Hade sa mga tawo na nasa too niya, ‘Madya kamo, mga paladan kan sakong Ama! Lumaog kamo sa Kahadean na inandam para saindo poon na lalangon an kinaban.

Mateo 27:37

Ibinugtak ninda an nakasurat na sumbong saiya sa may itaas kan saiyang payo. An nakasurat iyo ini: “Ini si Jesus, an Hade kan mga Judio.”

Efeso 5:32

Ini dakulang misteryo; ini sinasabi ko dapit ki Cristo asin sa simbahan.

2 Pedro 1:21

Huli ta mayo nin propesiya na gikan sa kabotan kan tawo; kundi sa irarom kan kapangyarihan kan Espiritu Santo, an mga tawo nagtataram kan mensahe na hale sa Dios.