Salmo 43:3 - Marahay na Bareta Biblia

³ Padarahan an saimong liwanag asin katotoohan; logod ako saindang pangenotan, darahon sa banal mong bulod asin sa saimong erokan.

Salmo 43:3 ပူးပေါင်းရင်းမြစ်များ

2 Samuel 15:20

Halipot pa sanang panahon an pag-erok mo digdi, kaya tadaw ta ipag-iba taka sa paglagalag sa kaibahan ko mantang dai ko aram kun mapasaen ako? Balik kamo dangan ibahan an mga kahimanwa mo—asin ipahiling logod saimo nin Kagurangnan an danay na pagkamoot asin kaimbodan.”

2 Samuel 15:25

Dangan sinabihan kan hade si Zadok, “Ibalik nindo an Kaban nin Tipan sa syudad. Kun nawiwilihan ako nin Kagurangnan, tutugotan niya akong makabalik tanganing mahiling ko iyan giraray asin an lugar na namumugtakan kaiyan.

1 Mga Cronica 16:1

An Kaban nin Tipan nin Dios dinara ninda sa tolda na inandam ni David. Ibinugtak ninda duman an Kaban nin Tipan, dangan nagdolot sinda sa Dios nin mga tinutong na atang saka mga dolot para sa katoninongan.

1 Mga Cronica 16:39

Alagad an padi na si Zadok asin an mga kapwa niya padi iyo an mamamahala kan pagsamba sa Kagurangnan duman sa lugar na pagsasambahan sa Gibeon.

1 Mga Cronica 21:29

An Tabernakulo nin Kagurangnan na ginibo ni Moises duman sa kalangtadan, saka an altar para sa tinutong na atang yaon pa kaidto sa lugar na pagsasambahan sa Gibeon;

Salmo 119:105

Ilaw para sa mga bitis ko an saimong tataramon, asin sarong liwanag para sa sakong agihan.

Salmo 143:10

Tukdoe ako na maotob an saimong kabotan, huli ta ika an sakuyang Dios. Pangenotan logod ako kan saimong espiritu sa dalan na patag asin ligtas.

Salmo 2:6

Nagtaram siya, “Ibinugtak ko an sakong hade sa Sion, an banal kong bulod.”

Salmo 3:4

Minaagrangay ako nin makosog sa Kagurangnan; minasimbag siya hale sa saiyang banal na bulod.

Salmo 36:9

Huli ta yaon saimo an burabod nin buhay, asin sa liwanag mo kami nakakahiling nin kaliwanagan.

Salmo 40:11

Hare pagsayumahan sako an saimong pagkaherak, Kagurangnan. Ingatan logod ako kan saimong pagkamaimbod asin danay na pagkamoot.

Salmo 42:4

Ini gabos nagigiromdoman ko kun binubuksan ko an sakuyang puso, kan pinapangenotan ko an kadaklan, pasiring sa harong nin Dios, mantang maogmang nagkukurahaw saka nag-aawit nin pasasalamat— sarong katiriponan na nagseselebrar sa dakulang kaogmahan.

Salmo 46:4

Igwa nin sarong salog na nagpapaogma sa syudad nin Dios, sa banal na harong kan Kahorohalangkawe.

Salmo 57:3

Masimbag siya hale sa langit, asin ililigtas ako; sosopogon niya an mga nang-aapi sako. Ipapahiling nin Dios an danay niyang pagkamoot asin an saiyang pagkamaimbod.

Salmo 57:4

Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Salmo 78:68

kundi saiyang pinili an tribu ni Juda asin an Bukid nin Sion, na saiyang namomotan.

Salmo 84:1

Magayonon an saimong erokan, O Kagurangnan nin mga hukbo!

Salmo 97:11

Ilaw minaliwanag sa mga matanos asin kaogmahan sa mga malinig an puso.

Mikas 7:20

Ipapahiling mo sa saimong banwaan, an mga kapagarakian ni Abraham asin ni Jacob, an saimong kaimbodan saka danay na pagkamoot, siring sa ipinanuga mo sa samong mga ginikanan kaidtong panahon.

Mikas 7:8

Mayong dahelan tanganing pagngisihan kami kan samong mga kaiwal. Nagkaturumba kami, alagad mabangon giraray kami. Nasa kadikloman kami ngunyan, alagad tatawan kami nin liwanag kan Kagurangnan.

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Juan 1:4

Nasa saiya an buhay; an buhay na ini iyo an nagtatao nin liwanag sa mga tawo.