Salmo 43:2 - Marahay na Bareta Biblia

² Ika, O Dios, an sakuyang pailihan; tano ta ako saimong isinisikwal? Tadaw ta padagos akong nagtitios huli kan pang-aapi kan sakong mga kaiwal?

Salmo 43:2 ပူးပေါင်းရင်းမြစ်များ

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

Salmo 140:7

Kagurangnan, sakong Kagurangnan, makosog na paraligtas! Sinurog mo ako sa aldaw nin pakilaban.

Salmo 28:7

Sakong kosog asin kalasag an Kagurangnan; puso ko siya an sinasarigan. Puso ko nag-oogma ta ako tinabangan; bilang pasalamat siya sakong inaawitan.

Salmo 31:4

Likayan ako sa litag na inandam para sako, huli ta ika an pailihan ko.

Salmo 42:10

An mga pag-olog-olog kan sakong mga kaiwal garo mga lugad na minapasakit sako, mantang padagos sindang naghahapot, “Haen an saimong Dios?”

Salmo 42:9

Minasabi ako sa Dios, gapo kong panarigan, “Tadaw ta ako saimong linilingawan? Tadaw ta padagos akong nagtitios huli kan pang-aapi kan sakong kaiwal?”

Salmo 44:9

Alagad ngunyan, kami isinikwal mo asin pinabayaan na madaog; an samong mga hukbo dai mo na iniibahan.

Salmo 71:9

Hare ako pagsikwalan ngunyan na ako gurang na; hare ako pagpabayae ngunyan na ako maluya na.

Salmo 77:7

“Isisikwal daw kita nin Kagurangnan sagkod pa man? Dai na daw niya kita mawiwilihan?

Salmo 88:15

Nasasakitan ako asin harani sa kagadanan poon kan aki pa ako. Kapoy na ako sa gabat kan mga padusa mo.

Salmo 94:14

Dai pababayaan nin Kagurangnan an saiyang banwaan; an sadiri niyang pamana dai niya tatalikodan.

Exodo 15:2

An Kagurangnan an sakong kosog asin awit, siya an sakong kaligtasan; siya an sakong Dios, kaya sakong oomawon; Dios nin sakong ama, kaya sakong papalangkawon.

Isaias 40:31

Alagad an mga nagsasarig sa tabang nin Kagurangnan makakakua nin bagong kosog. An kosog ninda makakaarog sa mayong kapagalan na mga pakpak nin agila; madalagan sinda alagad dai mapapagal; malakaw sinda alagad dai manluluya.

Isaias 45:24

“Masabi sinda na sa paagi ko sana makukua an kosog saka an kapangganahan; alagad magtitios nin kasosopgan an gabos na naoongis sako.

Zacarias 10:12

Papakosogon ko an sakong banwaan; sasambahon asin kukuyogon ninda ako.” An Kagurangnan an nagtaram.

Efeso 6:10

Sa kataposan, magin makosog kamo sa pakisumaro sa Kagurangnan, sa kosog kan saiyang kapangyarihan.

Filipos 4:13

An gabos magigibo ko huli ki Cristo na nagpapakosog sako.