Salmo 42:6 - Marahay na Bareta Biblia

⁶ An sakong kalag mamondoon, kaya ika, O Dios, sakong ginigiromdom hale sa Jordan asin sa Hermon, patin sa Bukid nin Mizar.

Salmo 42:6 ပူးပေါင်းရင်းမြစ်များ

2 Samuel 17:22

Kaya nagbalyo sa Jordan si David asin an saiyang mga tawohan; kan nagbabanaag na an aldaw, nakabalyo na sinda gabos.

2 Samuel 17:27

Pag-abot ni David sa Mahanaim, sinabat siya ni Sobi na aking lalaki ni Nahas na taga Rabba sa Ammon, ni Makir, na aking lalaki ni Ammiel na taga Lodebar, asin ni Barzillai, na taga Rogelim sa Gilead.

Salmo 133:3

Kabaing iyan sa ambon sa ibabaw kan bukid nin Hermon, na minahugpa sa kabukidan nin Sion. Duman nanuga an Kagurangnan kan saiyang bendisyon— buhay na daing kataposan.

Salmo 22:1

Dios ko, Dios ko, tano ta pinabayaan mo ako? Tadaw ta harayo ka sa pagtabang sako, sa pagdangog kan sakong mga inagrangay?

Salmo 43:4

Dangan madolok ako sa altar nin Dios, sa Dios na sakuyang kaogmahan. Oomawon taka sa pagtugtog kan lira, O Dios, sakuyang Dios.

Salmo 43:5

Tadaw ta mamondo ka, O kalag ko? Tadaw ta napupurisaw ka? Maglaom ka sa Dios; huli ta oomawon ko siya giraray, sakuyang tabang asin sakuyang Dios.

Salmo 61:2

Ako minaapod saimo hale sa poro kan daga, kan an sakong puso pinanluluya. Sa sarong ligtas na lugar daraha ako,

Jonas 2:7

Kan nanluya an sakong kalag, namibi ako saimo, Kagurangnan, asin an sakong pamibi nakaabot saimo, sa banal mong Templo.

Mateo 26:39

Nag-oroenotan pa siya, nagdapa sa daga saka namibi, “Ama ko, kun mahihimo pa sana, palihisa sako an kalis na ini! Alagad bakong an kabotan ko kundi an kabotan mo an kuyogon.”

Mateo 27:46

Kan mag-aalas tres na, nagkurahaw si Jesus nin makosog, “Eli, Eli, lema sabactani?” na an boot sabihon, “Dios ko, Dios ko, tadaw ta pinabayaan mo ako?”