Salmo 42:3 - Marahay na Bareta Biblia

³ Sakong mga luha an sakuyang pagkakan sa aldaw asin sa banggi; mantang danay na minahapot sako an mga kaiwal, “Haen an saimong Dios?”

Salmo 42:3 ပူးပေါင်းရင်းမြစ်များ

2 Samuel 16:12

Tibaad pa mahiling nin Kagurangnan an sakong pagtios asin matawan niya ako nin mga biyaya karibay kan saiyang pagmaldisyon.”

Salmo 102:9

Abo an tinapay na kinakakan ko; igwang kasalak na mga luha an inomon ko;

Salmo 115:2

Tadaw ta nagsasabi an mga nasyon, “Haen an saindong Dios?”

Salmo 143:6

Iniitaas ko an mga kamot ko sa pagpamibi saimo; siring sa alang na daga, an kalag ko napapaha saimo.

Salmo 22:8

na an olay, “Nagsarig siya sa Kagurangnan; tadaw ta dai niya siya iliniligtas? Nawiwilihan siya nin Kagurangnan; tadaw ta dai siya tinatabangan?”

Salmo 3:2

Dakul an minasabi manongod sako: “Dai siya tatabangan nin Dios.”

Salmo 42:10

An mga pag-olog-olog kan sakong mga kaiwal garo mga lugad na minapasakit sako, mantang padagos sindang naghahapot, “Haen an saimong Dios?”

Salmo 63:2

Magpahiling ka sako sa santwaryo; pahilingan sako an saimong kapangyarihan asin kamurawayan.

Salmo 79:10

Tano ta maghapot an mga nasyon, “Haen an saindang Dios?” Mahiling mi logod an pagsingil asin pagpadusa mo sa mga nasyon, huli ta pinabulos ninda an dugo kan saimong mga sorogoon.

Salmo 79:12

An ibang nasyon makapitong beses mong padusahan, huli kan pagtuyatuya ninda saimo, Kagurangnan.

Salmo 80:5

Pinakakan mo kami kan tinapay nin kamondoan; pinainom mo nin luha sa dakulang lalagan.

Salmo 84:3

Maski an dignos nakakakua nin harong, asin an balinsayawan nakakakua nin sadiring salagan para sa saiyang mga siwo, diyan sa harani kan saimong mga altar, O Kagurangnan nin mga hukbo, sakong Hade asin sakong Dios.

Exodo 23:17

Tolong beses sa sarong taon, an gabos nindong lalaki maatubang sako, sa Kagurangnan Dios.

Joel 2:17

An mga padi, na naglilingkod sa Kagurangnan sa pagultanan kan altar asin kan pintoan kan Templo, kaipuhan na magtangis saka magpamibi: “Maherak ka sa saimong banwaan, Kagurangnan. Hare pagtugote an ibang nasyon na pagngisihan kami dangan pag-olog-ologon sa pagsabing, ‘Haen an saindong Dios?’”

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Deuteronomio 5:26

Huli ta siisay an tawong padagos nang nabuhay arog sato, pakatapos na madangog niyang magtaram hale sa kalayo an buhay na Dios?