Salmo 41:12 - Marahay na Bareta Biblia

¹² Tinatabangan mo ako, huli ta ginigibo ko an matanos; pinapadanay sa saimong atubang sagkod lamang.

Salmo 41:12 ပူးပေါင်းရင်းမြစ်များ

An Libro ni Job 36:7

Dai niya hinahale an pag-ingat sa mga matanos, pinapatukaw niya sinda sa trono siring sa mga hade, asin tinatawan nin kaomawan sagkod pa man.

Salmo 16:11

Ipinapahiling mo sako an dalan nin buhay; sa saimong atubang yaon an kapanoan nin kaogmahan, sa too mong kamot yaon an kaogmahan sagkod lamang.

Salmo 17:15

Para sako, mahihiling ko sa katanosan an saimong lalawogon; pagmata ko dangan mahiling ka, mayo na akong ibang mamawoton.

Salmo 25:21

An sakong karahayan asin katanosan iyo logod an magligtas sako, huli ta naghahalat ako saimo.

Salmo 30:2

Nag-agrangay ako saimo, Kagurangnan na sakong Dios, asin binolong mo ako;

Salmo 34:15

Binabantayan nin Kagurangnan an mga matanos asin dinadangog niya an saindang inagrangay;

Salmo 37:17

huli ta hahaleon nin Kagurangnan an kosog kan mga maraot, alagad iingatan niya an mga matanos.

Salmo 63:8

Dayupot saimo an sakong kalag, inaataman ako kan too mong kamot.

Salmo 94:18

Kan magsaboot ako, “Nahuhulog ako,” an saimong danay na pagkamoot, Kagurangnan, an nagpugol sako.

Juan 17:24

“Ama, mawot ko na sinda man na itinao mo sako makaiba ko kun saen ako, nganing mahiling ninda an kamurawayan na itinao mo sako; huli ta namotan mo ako bago lalangon an kinaban.