Salmo 41:1 - Marahay na Bareta Biblia

¹ Paladan an tawong may pagmakulog sa mga dukha; tinatabangan siya nin Kagurangnan sa aldaw nin kasakitan.

Salmo 41:1 ပူးပေါင်းရင်းမြစ်များ

Salmo 112:9

Maugayon siya sa mga nangangaipo; dai nanggad nasusudya an saiyang pagkamaboot; siya magigin mapangyari asin gagalangan.

Salmo 34:19

Kadakul an tinitios kan matanos, alagad iliniligtas siya nin Kagurangnan sa mga iyan gabos.

Salmo 37:19

Dai sinda magtitios sa panahon nin kasakitan; sa panahon nin gutom igwa sinda nin pagkakan.

Salmo 37:26

Sa gabos na panahon siya nagtatao asin nagpapasubli sa ibang tawo, asin nagigin mga bendisyon an saiyang mga aki.

Mga Talinhaga 14:21

Kun boot mong magin maogma, kaherakan mo an dukha; kasalan an pagsikwal sa kiisay man.

Mga Talinhaga 16:14

Hinihingowa kan madonong na mapaogma an hade huli ta kun maanggot an hade, igwa nin tawong magagadan.

Mga Talinhaga 19:17

Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Parahulit 12:1

Kaya giromdoma nindo an saindong Kaglalang mantang hoben pa kamo, bago umabot an mga maraot na aldaw saka mga taon na masabi kamo, “Dai na ako naoogma sa buhay.”

Jeremias 39:17

Alagad ako, an Kagurangnan, an mag-iingat saimo, kaya dai taka itatao sa mga tawong natatakotan mo.

Markos 14:7

An dukha danay na nasa kaibahan nindo; matatabangan nindo sinda maski anong oras na boot nindo. Alagad bako akong danay na kaiba nindo.

Mga Gibo 20:35

Ipinahiling ko saindo sa gabos na bagay, na sa paagi nin pagtrabaho nin maigot, dapat na tabangan ta an mga maluluya, asin giromdomon an mga tataramon na sinabi kan Kagurangnan na Jesus, ‘Mas paladan an nagtatao ki kan nag-aako.’”

Galacia 2:10

An hinagad sana ninda iyo an pagromdom sa mga dukha, na iyo mananggad an pinagmamaigotan kong gibohon.

1 Tesalonica 5:14

Sinasadol mi kamo, mga tugang, na patanidan nindo an mga hugakon, pakosogon an mga maluya an boot, tabangan an mga maluya, saka magin matinios kamo sa gabos.

Hebreyo 6:10

An Dios masuripot. Dai niya malilingawan an mga ginibo nindo asin an pagkamoot na ipinahiling nindo sa mga kapwa Cristiano huli saiya, dangan padagos nindo pang ginigibo.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.

Kapahayagan 3:10

Huli ta sinunod mo an pagboot ko na magin matinios ka, ililikay taka sa kasakitan na maabot sa bilog na kinaban, sa pagbalo kan gabos na tawo diyan.

Ruth 2:19

Hinapot siya ni Naomi, “Saen mo sinirot an mga trigong ini? Kiisay kang oma nagtrabaho? Bendisyonan logod nin Dios an tawong nagmakulog saimo.” Kaya isinabi ni Ruth ki Naomi na duman siya nanirot sa omang sadiri kan lalaking an ngaran Boaz.