Salmo 40:6 - Marahay na Bareta Biblia

⁶ Mga sakripisyo saka atang dai mo minamawot; alagad ako tinatawan mo nin pakadangog. Dai mo hinahagad an tinutong na atang, ni an dolot para sa kasalan.

Salmo 40:6 ပူးပေါင်းရင်းမြစ်များ

An Libro ni Job 33:16

Ipinapadangog niya sainda an mga boot niyang itaram, asin natatakot sinda sa saiyang mga patanid.

An Libro ni Job 5:9

Siya an naggigibo nin darakula saka dai malaladop na mga bagay; makangangalas na mga bagay na dai mabibilang:

Salmo 139:17

O Dios, misteryo para sako an saimong mga kaisipan, dakul saka dai mabilang!

Salmo 139:18

Labi pa iyan sa mga baybay kun bilangon ko. Kan ako magimata, nasa kaibahan mo pa ako.

Salmo 50:8

Dai taka tinutuyaw huli kan saimong mga sakripisyo, asin mga tinutong na atang na danay mong dinadara sako.

Salmo 51:16

Dai mo minamawot an mga sakripisyo; maski magdolot ako nin tinutong na atang, dai mo man mawiwilihan.

Salmo 71:15

Ipapahayag kan sakong ngoso an saimong karahayan; an saimong kaligtasan sa bilog na aldaw, maski ngani iyan dipisil kong masabotan.

Exodo 21:6

kun siring, dadarahon siya kan saiyang kagurangnan sa lugar na pinagsasambahan asin papatindogon siya sa may pinto o sa may hamba kan pintoan, dangan lalabotan an saiyang talinga asin magigin oripon siya kan saiyang kagurangnan sagkod na buhay siya.

Isaias 1:11

“Anong halaga sako kan saimong mga sakripisyo?” an sabi nin Kagurangnan. “Uyam na ako sa mga tinutong na atang na mga karnero asin sa taba kan mga hayop; dai ako naoogma sa dugo nin mga baka o nin mga kordero, o nin mga lalaking kanding.

Isaias 25:1

Kagurangnan, ika an sakuyang Dios; gagalangan taka asin oomawon ko an saimong ngaran. Huli ta naggibo ka nin makangangalas na mga bagay; maimbod mong pinapangyari an mga plano na minukna mo kaidto pang panahon.

Isaias 66:3

“An mga tawo naggigibo kan saindang nawiwilihan. Sa sainda, pareho an pagbono nin baka bilang sarong sakripisyo asin an pagsakripisyo kan buhay nin sarong tawo. Pareho sainda an pagsakripisyo nin sarong kordero asin an pagbari kan liog nin sarong ayam; an pagtao nin dolot na pagkakan asin an pagdolot kan dugo nin orig; dangan an pagdolot nin insenso asin an pagpamibi sa sarong dios-dios.

Oseas 6:6

Mawot ko an danay nindong pagkamoot, bakong an isinasakripisyo nindong mga hayop. Mas boot ko pang mamidbidan ako kan sakong banwaan ki sa magtutong sinda nin mga atang para sako.

Amos 5:22

Maski pa dolotan nindo ako nin mga tinutong na atang saka dolot na pagkakan, dai ko iyan aakoon; dai ko man aakoon an mga pinatabang hayop na dinadara nindo sako bilang mga dolot para sa katoninongan.

Mateo 12:7

Sinasabi sa kasuratan, ‘Pagkaherak an boot ko asin bakong atang.’ Kun nasabotan nindo ini, dai nindo kokondenaron an mayong sala.

Mateo 9:13

Isip-isipa daw nindo kun ano an kahulogan kaini, ‘Pagkaherak an mawot ko, bakong atang.’ Dai ako nagdigdi sa pag-apod kan mga banal kundi kan mga parakasala.”

1 Samuel 15:22

Nagsabi si Samuel, “Orog daw na naoogma an Kagurangnan sa mga tinutong na atang asin mga dolot, ki sa pagkuyog kan saiyang pagboot? Tara, an pagkuyog mas marahay ki sa dolot, asin an paghinanyog mas marahay ki sa taba nin mga karnero.