Salmo 40:5 - Marahay na Bareta Biblia

⁵ Dakul na ngangalasan an ginibo mo para samo, O Kagurangnan, na samuyang Dios; mayo nin makakaarog saimo! Magayon an mga plano mo para samo. Kun ako mangahas na ipahayag iyan gabos, sa kadaklan dai ko mauubos!

Salmo 40:5 ပူးပေါင်းရင်းမြစ်များ

An Libro ni Job 26:14

Alagad an mga ini sadit sanang kabtang kan saiyang kakayahan, mga hininghing sana na satong nadangog. Siisay an makakasabot kan kadakulaan kan saiyang kapangyarihan?”

An Libro ni Job 5:9

Siya an naggigibo nin darakula saka dai malaladop na mga bagay; makangangalas na mga bagay na dai mabibilang:

An Libro ni Job 9:10

Dai ta masasabotan an dakulang mga bagay na saiyang ginigibo; dai ta mabibilang an saiyang mga milagro.

Salmo 136:4

Siya sana an nakakagibo nin darakulang ngangalasan; an saiyang pagkamoot mayo nin kataposan.

Salmo 139:6

An kadonongan mo halangkaw para sako, dai maabot kan sakong pag-isip.

Salmo 71:15

Ipapahayag kan sakong ngoso an saimong karahayan; an saimong kaligtasan sa bilog na aldaw, maski ngani iyan dipisil kong masabotan.

Salmo 73:28

Alagad para sako, mas marahay an magin harani sa Dios; an Kagurangnan Dios an ginibo kong pailihan, tanganing sakong irukyaw an gabos niyang ginibohan!

Salmo 92:5

Kadakula kan saimong mga gibo, Kagurangnan! Hararom na gayo an saimong mga kaisipan!

Exodo 11:8

Tinapos ni Moises an saiyang pagtaram kan siya magsabi, “Marani dangan maluhod sako an gabos mong opisyal asin makikimaherak na humale na ako kaiba an sakong mga kahimanwa. Dangan mahale ako.” Pakasabi kaini, anggot na marahay na binayaan ni Moises an hade.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Jeremias 29:11

Ako sana an nakakaaram kan mga plano ko para saindo, mga plano na darahan kamo nin kaginhawahan asin bakong karatan, mga plano na tawan kamo nin paglaom sa saindong huring mga aldaw.