Salmo 40:2 - Marahay na Bareta Biblia

² Hinawas niya ako sa makatakot na kutkot; hale sa hararom na laboy. Mga bitis ko pinamugtak niya sa gapo; mga lakad ko saiyang pinakosog.

Salmo 40:2 ပူးပေါင်းရင်းမြစ်များ

Salmo 116:3

Napalibotan ako kan mga siod nin kagadanan; pinugol ako kan kasakitan nin Sheol; napano ako nin takot asin kahandalan.

Salmo 119:133

Siring sa saimong panuga, likayan ako sa pagkapadungkal; hare ako pagpadaogan sa karatan.

Salmo 143:3

Linalamag ako kan sakong kaiwal; rinoronot niya an sakuyang buhay. Pinapatukaw niya ako sa kadikloman, siring sa mga haloy nang nagadan.

Salmo 17:5

Danay akong naglakaw sa saimong mga dalan, an sakong mga bitis dai lamang nasala.

Salmo 18:36

Tinawan mo ako nin mahiwas na lugar na lalakawan, asin an sakong mga bitis dai nadalinas.

Salmo 18:7

Dangan nagtakig asin natanyog an daga; nagtakig asin natanyog man an mga pundasyon kan kabukidan, huli ta naanggot an Dios.

Salmo 27:5

Sa panahon nin kasakitan sasangkoban niya ako; tatagoon niya sa laog kan saiyang Templo asin ibubugtak sa ibabaw nin sarong halangkaw na gapo.

Salmo 37:23

An tawo pinapangenotan nin Kagurangnan sa saiyang paglakaw; asin inaataman niya an saiyang nawiwilihan.

Salmo 61:2

Ako minaapod saimo hale sa poro kan daga, kan an sakong puso pinanluluya. Sa sarong ligtas na lugar daraha ako,

Salmo 69:2

Nag-iirarom ako sa laboy, asin mayo nin daga na matutongtongan. Nakakaabot ako sa tubig na hararom, nalalantopan ako kan mga alon.

Salmo 71:20

Pinadarahan mo ako nin mga makuring kasakitan, alagad ako papakosogon mo giraray, babangonon hale sa lulubngan.

Salmo 86:13

Huli ta dakula an danay mong pagkamoot sa sako; asin hinawas mo sa kairaroman nin Sheol an kalag ko.

Isaias 24:22

Titiponon nin Dios sa sarong kalot an mga hade siring sa mga bilanggo. Ibubugtak niya sinda sa bilanggoan sagkod na dumatong an aldaw kan pagpadusa sainda.

Zacarias 9:11

Nagtataram an Kagurangnan, “Huli kan pakikipagtipan ko saindo na sinelyohan kan dugo nin mga sakripisyo, tatalingkasan ko an saimong banwaan— talingkas sa mayong tubig na kalot nin pagtapokan.

Mateo 13:50

dangan an mga maraot iaapon sa horno. Magtatangis sinda duman asin magraragot an saindang mga ngipon.”

Mga Gibo 2:24

Alagad binuhay siya liwat nin Dios. Pinatalingkas siya sa kapangyarihan nin kagadanan, huli ta imposibleng masa kapangyarihan siya nin kagadanan.